لاۋازىمدى تۇلعا مەملەكەتكە 107 ميلليون تەڭگە كولەمىندە شىعىن كەلتىرگەن دەپ ايىپتالىپ وتىر، دەپ حابارلايدى قازاقپارات ءتىلشىسى.
12-قىركۇيەكتە قاراعاندى وبلىسى پروكۋراتۋراسىنىڭ ارنايى پروكۋرورلار باسقارماسىنىڭ قىزمەتكەرلەرى قازاقستان رەسپۋبليكاسى قىلمىستىق كودەكسىنىڭ 128-بابىنىڭ تارتىبىندە قاراعاندى قالاسى اكىمىنىڭ ورىنباسارى - جاقسىلىق شالابەكوۆتى ۇستادى.
«اتالعان تۇلعا قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگىندە قاراستىرىلعان قىلمىس جاساۋدا، اتاپ ايتقاندا 2018 -جىلى قاراعاندى قالاسىندا «نۇرلى جەر» باعدارلاماسى بويىنشا ءىرى پانەلدى تۇرعىن ۇيلەر سالۋعا بولىنگەن بيۋدجەت قاراجاتىن الدىن الا ءسوز بايلاسۋ جولىمەن توپ اداممەن بىرلەسىپ ۇرلاۋدا جانە تالان-تاراجعا سالۋدا كۇدىكتى بولىپ تابىلادى»، - دەپ مالىمدەدى قاراعاندى وبلىستىق پروكۋراتۋرانىڭ باسپا ءسوز قىزمەتى.
قىلمىستىق ارەكەتتەرمەن جاقسىلىق شالابەكوۆ مەملەكەتكە 107 ميلليون تەڭگە شىعىن كەلتىرگەن. قازىرگى ۋاقىتتا ول سوتتىڭ سانكسياسىمەن 2 ايعا قاماۋعا الىندى.
تەرگەۋ جۇرگىزىلۋدە جانە ونىڭ بارىسى وبلىس پروكۋراتۋراسى باسشىلىعىنىڭ ەرەكشە باقىلاۋىندا. باسقا اقپارات قازاقستان رەسپۋبليكاسى قىلمىستىق- پروتسەستىك كودەكسىنىڭ 201-بابىنا سايكەس تەرگەۋ قۇپياسى بولىپ تابىلادى جانە جاريالانۋعا جاتپايدى.
اۆتور: اگاتا مۋحامەدجانوۆا