اقتوبە قالاسىنىڭ ەسكى بولىگىندە ورنالاسقان VIP- ماسساج سالونىندا جىنىستىق قىزمەت كورسەتكەن پريتون انىقتالدى. جەدەل ىزدەستىرۋ شاراسى كەزىندە مەكەمە اكىمشىسى قىزمەتىن اتقارعان اقتوبە قالاسىنىڭ تۇرعىنى ۇستالدى. تەكسەرۋ كەزىندە ينتيمدىك قىزمەت كورسەتكەن اتىراۋ وبلىسىنىڭ ءۇش ايەلى قولعا ءتۇستى.
«پوليتسيا دەپارتامەنتى وسى فاكتى بويىنشا قىلمىستىق كودەكستىڭ «جەزوكشەلىكپەن اينالىسۋ جانە جەڭگەتايلىق ءۇشىن پريتوندار ۇيىمداستىرۋ نەمەسە ۇستاۋ» بابى بويىنشا سوتقا دەيىنگى تەرگەۋ باستالدى. سونىمەن قاتار، شەكتەۋ ەرەجەسىن بۇزعانى ءۇشىن ماتەريالدار اكىمشىلىك قۇقىقبۇزۋشىلىق تۋرالى كودەكستىڭ 425-بابى، ياعني، «حالىقتىڭ سانيتارلىق- ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي- اق گيگيەنالىق نورماتيۆتەردى بۇزۋ» بويىنشا كىنالى ادامداردى اكىمشىلىك جاۋاپقا تارتۋ ءۇشىن اقتوبە قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جىبەرىلدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.