كوروناۆيرۋس ىندەتىن ەكىنشى رەت جۇقتىرعان ناۋقاس تىركەلگەن جوق - ق ر د س م
19:16, 11 - قىركۇيەك 2020
نۇر- سۇلتان. قازاقپارات - قازاقستاندا كوروناۆيرۋس ينفەكسياسىن ەكىنشى رەت جۇقتىرۋ وقيعاسى تىركەلگەن جوق. بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ايتىپ بەردى، دەپ حابارلايدى قازاقپارات.
«قازاقستاندا كوروناۆيرۋس ينفەكسياسىن ەكىنشى رەت جۇقتىرعان بىردە- ءبىر ناۋقاس تىركەلگەن جوق. ونداي اقپارات بىزگە كەلىپ تۇسپەدى»، - دەدى ب. قوجاحمەتوۆ ورتالىق كوممۋنيكاتسيالار قىزمەتىندە.
ونىڭ ايتۋىنشا، قازاقستاندا 2 ميلليون 600 مىڭ پ ت ر تەستىلەۋ جۇرگىزىلگەن. ونىڭ ءار 26-شىسى كوروناۆيرۋس ينفەكسياسى بار دەگەن ناتيجە كورسەتكەن. قازىرگى ۋاقىتتا رەسپۋبليكا بويىنشا كۇنىنە 40 مىڭ تەستىلەۋ جاساۋ مۇمكىندىگى بار. جىل سوڭىنا دەيىن ونىڭ سانى 64 مىڭعا دەيىن كوبەيەدى.
اۆتور: ايجان سەرىكجان قىزى