«قازاقستاندا 15 - قىركۇيەكتەن باستاپ حالىقتى مەديتسينالىق- سانيتارلىق كومەك بەرەتىن ۇيىمدارعا تىركەۋ باستالدى. ول ەكى ايعا سوزىلادى. ەمحانالاردىڭ دەنساۋلىق ساقتاۋ جۇيەسىنە ەنۋدىڭ التىن قاقپاسى ەكەنىن بىلەسىزدەر. سوندىقتان، الداعى ەكى ايدا ازاماتتارىمىز تۇرعىلىقتى جەرى بويىنشا ەمحانالاردى تاڭداي الادى. مەيلىنشە، ەمحانانى تۇرعىلىقتى جەرگە جاقىن ماڭنان تاڭداۋعا كەڭەس بەرەمىز. نەگە دەسەڭىز، ەمحاناعا تىركەلگەن ناۋقاستاردى مەديتسينا ماماندارى ۇنەمى قاداعالاپ، ءتىپتى ۇيىنە بارىپ كومەك كورسەتۋگە ىڭعايلى بولادى. اسىرەسە، بۇل تاجىريبە قازىرگىدەي پاندەميا جاعدايىندا اسا ماڭىزدى. تىركەۋ ناۋقانىنان كەيىن ازاماتتار كەلەسى جىلدىڭ 1 - قاڭتارىنان باستاپ، تەگىن مەديتسينالىق كومەكتىڭ كەپىلدەندىرىلگەن كولەمى اياسىندا قىزمەت الادى جانە ول ءۇشىن مەديتسينالىق الەۋمەتتىك ساقتاندىرۋ قورى مەديتسينالىق ۇيىمدارعا اقى تولەيدى. بيىل دا بۇل ازاماتتار تىركەلگەن ەمحانالارىندا قور ەسەبىنەن ەمدەلە الادى»، - دەدى ب. قوجاحمەتوۆ ورتالىق كوممۋنيكاتسيالار قىزمەتىندە وتكەن بريفينگتە.
ايتا كەتەيىك، 11 - قىركۇيەكتەگى مالىمەت بويىنشا ەلىمىزدە COVID-19-عا شالدىققانداردىڭ جالپى سانى 106661-گە جەتتى. ونىڭ ىشىندە جازىلىپ شىعۋ كورسەتكىشى 94,1 پايىزدى قۇرادى نەمەسە 100409 ادامعا جەتتى. سوڭعى ءبىر تاۋلىكتە شىمكەنت قالاسىندا كوروناۆيرۋس ينفەكسياسىنىڭ بىردە- ءبىر وقيعاسى تىركەلگەن جوق. قازاقستاندا كوروناۆيرۋستىڭ جاڭا تولقىنىنا دايىندىق قىزۋ ءجۇرىپ جاتىر.
اۆتور: ايجان سەرىكجان قىزى