سونىمەن، تەكسەرۋ بارىسىندا «سارىارقا» اۋدانى پوليتسيا ءبولىمىنىڭ ۋچاسكەلىك ينسپەكتورى پوليتسيا كاپيتانى ەربولات مىڭبايەۆ جەڭىس داڭعىلىندا كۇدىك تۋدىرعان ازاماتتى توقتاتىپ، قۇجاتتارىنىڭ جوق ەكەنىن انىقتاعان.
سونىمەن قاتار، ەر ادامنىڭ بەلگىلى ءبىر تۇرعىلىقتى جەرى بولماعان. ونىڭ كىم ەكەنىن انىقتاۋ جانە قوسىمشا اقپارات الۋ ءۇشىن ەر ادام نۇر-سۇلتان قالاسى پوليتسيا دەپارتامەنتىنە جەتكىزىلدى. تەرگەۋ بارىسىندا 1983 -جىلى تۋعان ەر ادامنىڭ قىرعىز رەسپۋبليكاسىنىڭ ازاماتى ەكەنى جانە 2013 -جىلدان بەرى حالىقارالىق ىزدەۋدە جۇرگەنى انىقتالدى.
نۇر-سۇلتان قالاسى پوليتسيا دەپارتامەنتىنىڭ قابىلداۋ- ءبولۋ ءبولىمىنىڭ باستىعى پوليتسيا پولكوۆنيگى اسقار تورەكەنوۆتىڭ ايتۋىنشا، ۇستالعان ادام ءوزى تۋرالى جالعان مالىمەتتەر بەرگەن. ارنايى جۇرگىزىلگەن جۇمىستارى بارىسىندا ۇستالعان ازاماتتىڭ كىم ەكەنى انىقتالدى.
جەدەل الدىن الۋ شارالارى جۇرگىزىلگەن ءتورت كۇن ىشىندە ۋچاسكەلىك پوليتسيا ينسپەكتورلارى 713 اكىمشىلىك قۇقىق بۇزۋشىلىق فاكتىسىن انىقتادى. ولاردىڭ قاتارىندا قوعامدىق ورىنداردا ىشىمدىك ءىشۋ، ۇساق بۇزاقىلىق، وتباسىلىق- تۇرمىستىق ومىردەگى زاڭعا قارسى ارەكەتتەر، پاتەر يەلەرىنىڭ ازاماتتاردى زاڭسىز تىركەۋى جانە باسقا دا قۇقىق بۇزۋشىلىق فاكتىلەرى بار.
سونداي-اق ۋچاسكەلىك ينسپەكتورلار قىزمەت كورسەتىلەتىن اۋماقتاردا 5 مىڭنان استام تۇرعىن ءۇي جايلارىن جانە كوپ قاباتتى ۇيلەردى ارالاپ شىقتى. سونىمەن قاتار، پوليتسيا 530 ازاماتتىق قارۋ يەسىن ساقتاۋ زاڭدىلىعى مەن تىركەۋ مەرزىمىن بۇزعانىن انىقتادى.
اۆتور: زارينا تۋعانبايەۆا