تاڭبالاۋعا جاتاتىن تەمەكى ونىمدەرىنىڭ ءتىزىمىن مىنا سىلتەمەدەن كورۋگە بولادى.
«2020 -جىلعى 1-قازاننان باستاپ كوتەرمە ساۋدانى جۇزەگە اسىراتىن ىشكى ساۋدا سۋبەكتىلەرىن قوسپاعاندا بولشەك ساتۋ كەزىندە تاڭبالانعان تاۋارلاردى اينالىمنان مىندەتتى تۇردە شىعارىپ وتىرۋ كەرەك»، - دەلىنگەن قاۋلىدا.
2021 -جىلدىڭ 1-قاڭتارىنان باستاپ تاۋار اينالىمىنا بارلىق قاتىسۋشىلار ءۇشىن تاڭبالانعان تاۋارلاردىڭ قاداعالانۋى تۋرالى قۇجاتتاردىڭ مىندەتتى ءۇزىندىسى بولۋى ءتيىس.
ەسكە سالا كەتسەك قازان ايىنان باستاپ، تەمەكى ونىمدەرى مىندەتتى تۇردە تاڭبالانۋى كەرەكتىگى حابارلانعان ەدى. ق ر قارجى مينيسترلىگى مەملەكەتتىك كىرىستەر كوميتەتى باسپا ءسوز قىزمەتىنىڭ مالىمەتىنە قاراعاندا، بۇل شارالار نارىقتىڭ اشىقتىعى مەن تۇرعىنداردى جاساندى ونىمدەردەن، اسىرەسە، دەنساۋلىققا زيان كونترافاكتىدەن ساقتاۋعا ارنالىپ وتىر.
اۆتور: ايان بەكەن ۇلى