رۋمىنيادا ابايدىڭ بيۋستى اشىلدى
ءىس-شاراعا پارلامەنت پەن مەملەكەتتىك ورگانداردان كەلگەن رۋمىن ساياسي قايراتكەرلەرى، شەت مەملەكەتتەردىڭ ەلشىلەرى، سونداي-اق اكادەميالىق، قوعامدىق جانە ىسكەر ورتالارىنىڭ، قابىلداۋشى ەلدىڭ ب ا ق وكىلدەرى قاتىستى.
ءوزىنىڭ سوزىندە ەلشى نۇرباح رۇستەموۆ ۇلى ابايدىڭ 175 جىلدىعى اياسىندا بيۋستتىڭ اشىلۋى قازاقستان مەن رۋمىنيا حالىقتارىنىڭ دەگەن ءوزارا قۇرمەتتىڭ، ەكى ەلدىڭ تاريحىن بىلۋگە جاڭا ۇرپاق تاربيەلەۋدىڭ ايقىن مىسالى ەكەنىن اتاپ ءوتتى.
قازاق مادەنيەتىن رەفورمالاۋشى اباي ەۋروپالىق مادەنيەتپەن قوسىلۋدى مۇرات قويعانى، ونىڭ ۇلى مۇراسى شىعىس پەن باتىس مادەنيەتتەرىن سينتەزدەي بىلگەندىگى باسا ايتىلدى.
ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنە جانە بۋحارەست مەرياسىنا قازاق اقىنىنىڭ رۋمىنيادا ماڭگى ەستە قالۋىنا قوسقان باعا جەتپەس ۇلەسى ءۇشىن ەرەكشە العىس ءبىلدىرىلدى. ءىس- شاراعا قاتىسۋشىلار حالىقتاردىڭ دوستىعىنىڭ بەلگىسى رەتىندە قازاق حالقىنىڭ كورنەكتى اقىنىن ماڭگىلىككە قالدىرۋدىڭ ۋاقتىلىعىن اتاپ ءوتتى.
اتاپ ايتقاندا، رۋمىنيانىڭ ەكس-پرەزيدەنتى ەميل كونستانتينەسكۋ جانە پارلامەنت دەپۋتاتتارى پالاتاسىنىڭ ۆيتسە- سپيكەرى، «قازاقستان- رۋمىنيا» پارلامەنتارالىق دوستىق توبىنىڭ ءتوراعاسى فلورين يورداكە الەمدىك دەڭگەيدەگى ۇلى اقىننىڭ بيۋستىنىڭ ورناتىلۋى بۋحارەست ومىرىندەگى جاڭا تاريحي كەزەڭگە اينالاتىنىن، سونداي-اق الەمدىك مادەنيەتكە قوسقان ۇلەسى ءۇشىن قازاق حالقىنا دەگەن قۇرمەتتى بىلدىرەتىنىن باسا ايتتى.
ءىس-شارا اياسىندا «قارا سوزدەردى» رۋمىن تىلىنە اۋدارعان بەلگىلى لينگۆيست انتوانەتا ولتەانۋ اقىننىڭ ءومىرى تۋرالى ايتىپ بەردى، ال قازاق ءتىلى مۇعالىمى باستاعان بالاباقشا تاربيەلەنۋشىلەرى ابايدىڭ ولەڭدەرىن جاتقا وقىدى.
ءىس-شارا اياسىندا ءوز كارتينالارىندا قازاق حالقىنىڭ ۇلتتىق ەرەكشەلىگىنىڭ ءمانىن جەتكىزە بىلگەن رۋمىنيادا تۇراتىن قازاقستاندىق سۋرەتشى الۋا تەبەنوۆانىڭ ەكسپوزيتسيالارىمەن بەزەندىرىلدى. سونداي-اق، قوناقتارعا رۋمىن تىلىنە اۋدارىلعان «قارا سوزدەر»، ەلباسىنىڭ «تاۋەلسىزدىك ءداۋىرى» كىتاپتارى مەن قازاقستان رەسپۋبليكاسىنىڭ پرەزيدەنتى ق. توقايەۆتىڭ بيىلعى 1-قىركۇيەكتەگى جولداۋى باسىلعان بروشيۋرالار جانە باسقا دا يميدجدىك ماتەريالدار ۇسىنىلدى.
اۆتور: اياۋلىم التىنبەك