زاحاروۆا بۇل جازباسىندا سەرب دەلەگاتسياسىنىڭ ۆاشينگتونعا بارۋىن «وسنوۆنوي ينستينكت» فيلمىندەگى كادرمەن سيپاتتاعان، - دەپ حابارلايدى Tengrinews.kz ءتىلشىسى ر ي ا نوۆوستيگە سىلتەمە جاساپ.
10- قىركۇيەكتە پۋتين مەن ۆۋچيچ تەلەفون ارقىلى سويلەسكەن، وعان دەيىن سەرب پرەزيدەنتى لاۆروۆپەن سويلەسكەن.
«پرەزيدەنت پۋتيمەن تاماشا اڭگىمەلەستىك. رەسەي پرەزيدەنتىمەن ءجيى كونسۋلتاتسيا بولىپ تۇراتىنىن ۇمىتپاڭىزدار. ماريا زاحاروۆانىڭ اعات جازباسىنان كەيىنگى اسەردەن رەسەيدىڭ ماعان دەگەن جانە سەربياعا دەگەن قارىم-قاتىناسىن كورگەن شىعارسىزدار»، - دەپ مالىمدەدى ۆۋچيچ بەيسەنبىدە ۇلتتىق تەلەارنا ەفيرىندە.
«پرەزيدەنت پۋتين مەنەن ەشقاشان ەشنارسە ءۇشىن كەشىرىم سۇراماعان، سەرگەي لاۆروۆ تا. ال وسىدان كەيىن (زاحاروۆانىڭ جازباسىنان كەيىن) ەكەۋى دە كەشىرىم سۇرادى. ونىڭ ۇستىنە مەن بۇل جايتتى ايتپاعانمىن، ءتارتىپتى ادام رەتىندە ەشقاشان بۇل تۋرالى ايتپاس ەدىم. ءبىزدىڭ قارىم-قاتىناسىمىز جاقسى دەپ ەسەپتەيمىن، بۇل مەن ءۇشىن وتپەلى، ماڭىزى جوق وقيعا دەپ سانايمىن»، - دەدى سەربيا پرەزيدەنتى.
رەسەي پرەزيدەنتىنىڭ باسپا ءسوز حاتشىسى دميتري پەسكوۆ تە پۋتيننىڭ ۆۋچيچتەن كەشىرىم سۇراعانىن راستادى. «ءيا، سولاي»، - دەدى پەسكوۆ ر ي ا نوۆوستيگە.
4- قىركۇيەكتە سەربيا پرەزيدەنتى اق ۇيدە دونالد ترامپپەن كەزدەسكەن. وسى كەزدەسۋدەگى ءبىر سۋرەتكە قاتىستى Facebook جەلىسىندە ماريا زاحاروۆا پىكىر بىلدىرگەن. ول اق ۇيدەگى ترامپ پەن ۆۋچيچتىڭ كەلىسسوزىن جاۋاپ الۋمەن سالىستىرىپ، «وسنوۆنوي ينستينكت» فيلمىنىڭ كادرىن جاريالاعان.
«ءسىزدى اق ۇيگە شاقىرىپ، ورىندىقتى ءدال وسىلاي، جاۋاپ الۋداعىداي قويسا، ءسىز #2 فوتوداعىداي وتىرىڭىز. كىم بولساڭىز دا. ماعان سەنىڭىز»، - دەپ جازدى رەسەيلىك س ءى م وكىلى.
بۇل جاريالانىمدى سەربيا رەسمي تۇلعالارى سىناپ تاستادى. زاحاروۆا بولسا كەشىرىم سۇراپ، جازباسى دۇرىس تۇسىنىلمەگەنىن مالىمدەدى. «مەن ايتقىم كەلگەن ءبىر عانا ءمانى - «ەرەكشە» تاراپتىڭ تاكاپپارلىعى»، - دەپ تۇسىندىرگەن ول.