ا ق ش- تىڭ اريزونا ۋنيۆەرسيتەتى شىمكەنتتە ءوز وكىلدىگىن اشپاق
تاراپتار قوس ديپلوممەن ءبىلىم الۋ باعدارلاماسى، اكادەميالىق موبيلدىلىك، پروفەسسور وقىتۋشىلار قۇرامىنىڭ اتالعان ۋنيۆەرسيتەتتە ءىس-تاجىريبەدەن ءوتۋى سىندى بىرنەشە ورتاق جوبانى تالقىعا سالدى.
«الداعى ۋاقىتتا شىمكەنتتە ۋنيۆەرسيتەتتىڭ وكىلدىگىن اشۋ ويىمىزدا بار»، - دەيدى اريزونا مەملەكەتتىك ۋنيۆەرسيتەتىنىڭ كەڭەسشىسى نيۋ لي حولمان.
مەيماندارعا جوعارى وقۋ ورنىنىڭ وقۋ بازاسى تانىستىرىلدى. ۋنيۆەرسيتەت ىشىندەگى «مۇحتار تانۋ» ورتالىعى مەن تاريحتان سىر شەرتەتىن مۇراجايعا باس سۇققان قوناقتار ونداعى جادىگەرلەرگە تاڭدانىسىن جاسىرمادى.
«قازىرگى تاڭدا ۋنيۆەرسيتەت كاسىپكەرلىككە باۋلۋ داعدىسىنا كوشىپ جاتىر. وسىعان بايلانىستى ءبىز ۋنيۆەرسيتەتتە ماگيسترانت، دوكتارانتتاردى تازا تىلگە وقىتۋعا جانە كاسىپكەرلىككە باۋلۋ ءۇشىن ۇزاق ۋاقىتتان بەرى وسى اريزونا ۋنيۆەرسيتەتىمەن ەكى جاقتى بايلانىستا بولعانبىز. ءبىز بۇگىن سونىڭ ناتيجەسىن كورىپ وتىرمىز. بۇل ۋنيۆەرسيتەت بىزگە قوس ديپلومدى، باعدارلاما بويىنشا كاسىپكەرلىكتى شىنايى دامىتۋ ماقساتىندا ۋنيۆەرسيتەتتە كامپۋستار جاتاقحانا سالۋ ماسەلەسىندە كوتەرىپ وتىر»، - دەدى م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ رەكتورى داريا قوجامجاروۆا.
«ءبىز سەرىكتەس بولعالى وتىرعان ۋنيۆەرسيتەتكە اۋەلى قوس ديپلومدى بەرۋ جوباسىن ۇسىنىپ وتىرمىز. عىلىمدى بىرلەسىپ دامىتۋ بويىنشا دا باعدارلامامىز بار. ورتاق كەلىسىمگە كەلسەك، كامپۋس، جاتاقحانا سالامىز دەگەن جوسپارىمىزدى دا ايتتىق»، - دەدى اريزونا مەملەكەتتىك ۋنيۆەرسيتەتىنىڭ كەڭەسشىسى نيۋ لي حولمون.