بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«بۇگىندە ساباق بولماي جاتىر دەپ ايتۋ دۇرىس ەمەس. ويتكەنى، ءبىزدىڭ 500 مىڭ ارىپتەسىمىزدىڭ كۇن- ءتۇنى ىستەپ جاتقان جۇمىسىن سىزىپ باستاۋعا بولمايدى. وتە ۇلكەن اۋقىمدى جۇمىس جاساپ جاتىر. ارينە پروبلەمالار بار. ونى ءبىز بىلەمىز. ولارعا قاتىستى ارىپتەستەرىمىزدەن، ۇستازدارمەن، مەكتەپ باسشىلارىمەن جۇمىستى جاساپ جاتىرمىز. ءارى قاراي دا بۇل جۇمىستاردى جالعاستىرامىز»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
مينيستر ءبىلىم بەرۋ پلاتفورمالارىنا DDoS- شابۋىلداردىڭ ءجۇرىپ جاتقانىن جاسىرمادى. «پەداگوگتار جازعى ۋاقىتتا ءتيىستى دايىندىق كۋرستارىنان ءوتتى. كۋرستار بارىسىندا گيگيەنا، كيبەرقاۋىپسىزدىك ماسەلەلەرىنە قاتىستى ءبىلىم بەردىك. IT سالاسى بويىنشا ءتيىستى داعدىلارىن دامىتۋ بويىنشا دارىستەر وتكىزدىك. ارىپتەستەرىمىز ارى قاراي دا داعدىلارىن دامىتا بەرەدى»، - دەدى اسحات ايماعامبەتوۆ.
اۆتور: مارلان جيەمباي