«قازىر قازاقستاندا كوروناۆيرۋس ينفەكسياسى جاعدايى قالىپتى. اۋرۋ جۇقتىرۋ مەن ءولىم-ءجىتىم سانىنىڭ نەگىزگى كورسەتكىشتەرى تومەندەپ جاتقانىن بايقاۋعا بولادى. وسىعان قاراماستان، ءبىز كورشىلەرىمىزدى، الەم ەلدەرىن باقىلاپ وتىرمىز. قازىر ەۋروپا ايماعىندا، يتاليا، يسپانيا، گەرمانيا، تۇركيا جانە وڭتۇستىك كورەيادا اۋرۋ سانى كۇرت ءوستى. بۇل رەتتە تمد ەلدەرىندەگى اۋرۋ كولەمى 0,5 پايىزدى كورسەتتى، بۇل قازاقستانداعى كورسەتكىشتەن 5 ەسەگە كوپ. بۇل ماسەلە الاڭداتپاي قويمايدى. قازاقستان دا وزگە ەلدەر سەكىلدى كوروناۆيرۋس ينفەكتسياسىنىڭ بولۋى ىقتيمال ەكىنشى تولقىنىنا دايىندالىپ جاتىر»، - دەدى مينيستر ورتالىق كوممۋنيكاتسيالار قىزمەتىندەگى ونلاين بريفينگتە.
مينيستر رەسپۋبليكا بويىنشا 71126 توسەك-ورىن دايىنداۋ جوسپارلانعانىن، قازىرگى ۋاقىتتا - 10 257 توسەك-ورىن بار ەكەنىن جەتكىزدى.
«توسەك-ورىن قورىنىڭ ناۋقاستار جاتىر، ولار كوروناۆيرۋس نەمەسە كوروناۆيرۋس پنيەۆمونياسىمەن اۋىرىپ جاتىر. ونىڭ ۇستىنە 13 ءمودۋلدى جۇقپالى اۋرۋ اۋرۋحانالارىن سالۋدى جوسپارلادىق. ەكى ءىرى كلينيكادا قايتا وڭدەۋ جۇمىستارى جۇرۋدە. ەمحانالار دەڭگەيىندەگى 3640 كوشپەلى بريگادا ۇيىمداستىرىلدى. 5098 وكپەنى جاساندى جەلدەتۋ اپپاراتى جەتكىزىلدى. 21566 توسەك- ورىن وتتەگىمەن قامتاماسىز ەتىلدى»، - دەپ ءتۇسىندىردى ا. سوي. بۇعان دەيىن مينيستر مەكتەپ وقۋشىلارىن ءبىرىنشى توقساندا قاشىقتان وقىتۋدى ۇسىنعان ەدى.
«ءبىرىنشى كارانتيندە مەكتەپكە دەيىنگى ۇيىمداردا كەزەكشى توپتار اشۋىمىز ءساتسىز تاجىريبە بولدى، وندا كوروناۆيرۋس ينفەكتسياسى تىركەلىپ، جابىلىپ جاتتى. ياعني، ءبىز ءۇشىن ەلىمىزدەگى قازىرگى اۋرۋدىڭ تومەندەۋ قارقىنىن ۇستاپ تۇرۋ ماڭىزدى. بالالار اراسىندا اۋرۋدى تاراتىپ الماۋ كەرەك. قاشىقتان وقىتۋ شاراسى ۋاقىتشا ەكەنىن تاعى دا ايتا كەتەيىن»، - دەدى الەكسەي سوي.