نۇر- سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي مەكتەپ وقۋشىلارىن ءبىرىنشى توقساندا قاشىقتان وقىتۋدى ۇسىندى، دەپ حابارلايدى قازاقپارات.
«ءبىرىنشى كارانتيندە مەكتەپكە دەيىنگى ۇيىمداردا كەزەكشى توپتار اشۋىمىز ءساتسىز تاجىريبە بولدى، وندا كوروناۆيرۋس ينفەكتسياسى تىركەلىپ، جابىلىپ جاتتى. ياعني، ءبىز ءۇشىن ەلىمىزدەگى قازىرگى اۋرۋدىڭ تومەندەۋ قارقىنىن ۇستاپ تۇرۋ ماڭىزدى. بالالار اراسىندا اۋرۋدى تاراتىپ الماۋ كەرەك. قاشىقتان وقىتۋ شاراسى ۋاقىتشا ەكەنىن تاعى دا ايتا كەتەيىن»، - دەدى مينيستر ورتالىق كوممۋنيكاتسيالار قىزمەتىندە.
ونىڭ ايتۋىنشا، 15-قىركۇيەك پەن 15-قازان كۇندەرى جۇرگىزىلەتىن ۆاكسيناتسيا حالىقتىڭ ءالسىز توبىن، اسىرەسە ءجيى اۋىراتىن بالالاردى ج ر ۆ ي مەن تۇماۋدىڭ ورشۋىنەن قورعاپ قالادى. «سوندىقتان، مەكتەپتەگى ءبىرىنشى توقساندا قاشىقتان وقىتۋ فورماتىن ساقتاۋعا كەڭەس بەرەمىز. ءارى قاراي ۇيىمداسقان ۇجىمدارىمىزدا قانشا ناۋقاس شىعاتىنىن زەرتتەيمىز جانە بۇل ماسەلەنى ۆەدومتسۆوارالىق كوميسسياعا شىعارىپ، قوسىمشا قاراستىرامىز»، - دەدى ا. سوي.
اۆتور: ايجان سەرىكجان قىزى