قالا اكىمدىگىنىڭ رەسمي سايتىنىڭ مالىمەتىنشە، بۇگىندە ەپيدەميولوگيالىق جاعداي تۇراقتى. قوعامدىق دەنساۋلىق ساقتاۋ باسقارماسى كۇزگى-قىسقى كەزەڭدە COVID-19-دىڭ الدىن الۋ جانە ەمدەۋ بويىنشا ءىس- شارالار جوسپارىن قالالىق اكىمدىكپەن دايىنداپ، بۇگىندە بەكىتتى.
العاشقى مەديتسينالىق- سانيتارلىق كومەك ۇيىمدارىنىڭ دەڭگەيىندە COVID-19 سيمپتومسىز جانە اۋرۋى جەڭىل بولىپ كەلەتىن، سونداي-اق ىندەت جۇقتىرعاندارمەن بايلانىسقا تۇسكەن ادامدارعا ناۋقاستاردى قاشىقتىقتان باسقارۋ بويىنشا جۇمىس ۇيىمداستىرىلادى. ك ۆ ي جانە پنيەۆمونيامەن اۋىراتىن ناۋقاستارعا ءۇي جاعدايىنداعى اۋرۋحانالار ۇيىمداستىرۋ، سونداي-اق ولارعا اقىسىز ءدارى- دارمەكتەر بەرۋ قاراستىرىلعان.
«قالانىڭ بارلىق ەمحانالارىندا موبيلدى توپتاردىڭ جۇمىسى پاتسيەنتتەرگە ۇيگە بارۋ ارقىلى قىزمەت كورسەتۋ جۇمىسى ۇيىمداستىرىلدى. ىندەتكە كۇدىكتى ناۋقاستاردان ت. س. س. كوروناۆيرۋستىق ينفەكتسياعا ۇيدەن پتر تەست الۋ قاراستىرىلعان. ولاردىڭ سانى 207 نى قۇرايدى»، - دەدى دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
قالالىق ەمحانالاردا الەۋمەتتىك ارا قاشىقتىقتى ەسكەرە وتىرىپ پاتسەنتتەر ءۇشىن كۇتۋ بولمەلەرى، رەسپيراتورلى اۋرۋلارى بار ناۋقاستاردى قابىلداۋ ءۇشىن فيلتر كابينەتتەردى ۇيىمداستىرۋ قاراستىرىلعان. قاۋىپتى توپتاعى پاتسيەنتتەردى (گيپەرتونيا، قانت ديابەتى، كورونارلىق ارتەريا اۋرۋى، استما جانە باسقالارى) تۇراقتى تۇردە باقىلاۋ موبيلدى توپتاردى تارتۋىمەن جالعاساتىنىن اتاپ وتكىمىز كەلەدى. ناۋقاستارلى جوسپرالى تۇردە قابىلداۋ مىندەتتى الدىن الا جازىلۋ ارقىلى جۇزەگە اسىرىلادى.
اۆتور: گۇلزات اقجولوۆا