قايعىلى وقيعا مۋرگۋك اۋىلىندا بولعان. قالىڭدىق ۇيلەنۋ تويىنىڭ الدىندا قاتتى قوبالجىپ، ءدارى ءىشىپتى. ءبىراق ونىڭ جاعدايى ودان ءارى ۋشىعا تۇسكەن. ول اۋرۋحاناعا جاتقىزىلعان. الايدا دارىگەرلەر وعان كومەكتەسە الماپتى.
قازىرگى تاڭدا بۇل ىسكە قاتىستى تەرگەۋ امالدارى ءجۇرىپ جاتىر. قالىڭدىقتىڭ نەدەن قايتىس بولعانىن انىقتاۋ ءۇشىن سوت ساراپتاماسى تاعايىندالدى.
Telegram-داعى Mash كانالىنىڭ مالىمەتىنشە، ۋايىمنان قايتىس بولعان قالىڭدىقتىڭ ەسىمى - زارەمە. ول 23 جاستا بولعان. ونىڭ بالا كەزىنەن جۇرەگى اۋىرعان.
ۇيلەنۋ تويىنىڭ الدىندا قالىڭدىق مازاسىزدانىپ، ەسىنەن تانعان. تۋىستارى وعان ءدارى بەرگەن. ءبىراق قىزدىڭ جاعدايى ودان ءارى ۋشىعا تۇسكەن. زارەمانىڭ قان قىسىمى كۇرت تومەندەگەن. ول ينسۋلتتان قايتىس بولعان.