بۇگىن ءبىرقاتار وڭىردە كۇن سۋىتىپ، ۇسىك جۇرەدى

قازاقستان اۋماعىنىڭ باسىم بولىگىنە انتيتسيكلون اسەر ەتەدى. وسىعان بايلانىستى جاۋىن-شاشىن جاۋمايدى، كۇن اشىق بولادى. تەك ەلىمىزدىڭ باتىسىندا جانە وڭتۇستىگىندە اتموسفەرالىق فرونتتاردىڭ وتۋىنە بايلانىستى جاڭبىر جاۋادى.

باتىستا نايزاعاي جارقىلداپ، جاۋىن-شاشىن بولادى. رەسپۋبليكا بويىنشا كەي جەرلەردە تۇمان ءتۇسىپ، جەل ەكپىنى 15-20 م/س جەتەدى. باتىستا داۋىل سوعىپ، بۇرشاق جاۋۋى ىقتيمال.

باتىس قازاقستان، جامبىل، تۇندە قىزىلوردا، كۇندىز ماڭعىستاۋ، اتىراۋ، قاراعاندى ​​وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.

باتىس قازاقستان، اتىراۋ وبلىستارىنىڭ كەي جەرلەرىندە داۋىل تۇرىپ، بۇرشاق جاۋۋى ىقتيمال.

قوستاناي، سولتۇستىك قازاقستان، پاۆلودار، شىعىس قازاقستان، قاراعاندى وبلىستارىندا تۇندە جانە تاڭەرتەڭ تۇمان تۇسەدى.

اقمولا، قاراعاندى، سولتۇستىك قازاقستان، پاۆلودار، شىعىس قازاقستان وبلىستارىنىڭ كەي ايماقتارىندا تۇندە 1-3 گرادۋس ۇسىك، قوستاناي وبلىسىندا تۇندە توپىراق بەتىندە 1-3 گرادۋس ۇسىك جۇرەدى.

اتىراۋ وبلىسىندا، قىزىلوردا، باتىس قازاقستان، قاراعاندى ​​وبلىستارىنىڭ باسىم بولىگىندە، تۇركىستان وبلىسىنىڭ كەي جەرلەرىندە، اقتوبەدە جانە الماتى وبلىسىنىڭ باتىسىندا توتەنشە ءورت قاۋپى ساقتالادى.