نۇر- سۇلتان قالالىق پوليتسيا دەپارتامەنتىنىڭ مالىمەتىنشە، كەشە جەڭىس داڭعىلى بويىندا تۇراتىن ەلوردا تۇرعىنى پوليتسياعا حابارلاسىپ، 3 جاسار بالاسى مەن 59 جاستاعى اكەسىنىڭ ساعات 17.00 دە ۇيدەن اۋلاعا سەرۋەندەۋگە شىعىپ، قايتىپ ورالماعاندىعىن ايتقان.
«ۇلىنىڭ ايتۋىنشا، اكەسى قالانى جاقسى بىلمەيدى. وسىدان كەيىن پوليتسيا قىزمەتكەرلەرى جەدەل ىزدەۋگە كىرىستى. جەدەل ىزدەستىرۋ شارالارىنىڭ بارىسىندا ءتارتىپ ساقشىلارى تۇرعىن ءۇي كەشەندەرى ءبىرىنىڭ پاركينگىنەن اتاسى مەن 3 جاسار نەمەرەسىن تاپتى. ولار سەرۋەندەۋگە شىعىپ، اداسىپ كەتكەننەن كەيىن جىلىنۋ ءۇشىن پاركينگكە كىرگەن ەكەن. اكەسى مەن بالاسىنا ءدىن- امان جولىققان ەلوردا تۇرعىنى پوليتسيا قىزمەتكەرلەرىنە شىنايى ريزاشىلىعىن ءبىلدىردى»،- دەپ اتاپ وتەدى دەپارتامەنتتەن.