ۇكىمەت جۇمىسسىزدىق دەڭگەيىن قالاي انىقتادى؟
يۋليا تۋجيلكينا، ءتىلشى:
- گرۋزيادا ىندەتتىڭ كەسىرىنەن كوپتەگەن كاسىپورىندار جابىلدى. بۇل ەڭبەك نارىعىنا كەرى اسەرىن تيگىزىپ وتىر. اسىرەسە، مىڭداعان ادامدى جۇمىسپەن قامتىعان تۋريزم سالاسىنداعى جاعداي قيىن. ۆەرونيكا دجەراناشۆيلي وتباسىمەن بىرگە وسىدان بىرنەشە جىل بۇرىن كۇيەۋىنىڭ وتانى - تبيليسيگە كوشىپ كەلدى. ولار قوناق ءۇي مەن شاعىن تۋراگەنتتىك اشقان. ۆەرونيكا گيد ماماندىعىن وقىپ، قوناقتارعا ەلدى كورسەتىپ، ساياحاتتار ۇيىمداستىراتىن. الايدا، كوروناۆيرۋس ىندەتىنىڭ سالدارىنان كاسىبى توقىراپ قالدى.
ۆەرونيكا دجەراناشۆيلي، قوناق ءۇي يەسى:
- بۇكىل وتباسىمىز وسى سالادا جۇمىس ىستەيدى. ارينە، ءناپاقاسىز قالدىق، جاعدايىمىز قيىن. سونشالىقتى قيىن بولاتىنىن ەشكىم كۇتكەن جوق. ارينە، بولاشاقتان ءۇمىتىمىز بار، ءبىراق قىستا كوپ قوناق كەلەتىن ءتۇرى جوق. مەيرامحانالار، مۇراجايلار مەن ساياباقتار دا قيىن جاعدايعا ءتۇستى. ولاردىڭ كوبى قىزمەتكەرلەرىن قىسقارتتى. الايدا، رەسمي ستاتيستيكاعا سايكەس جۇمىسسىزدار سانى ءبىر جىلدا تەك%1 كە وسكەن. بۇل مالىمەت نەگە نەگىزدەلگەنىن مامانداردان سۇراپ بىلدىك.
ياروسلاۆا بابيچ، ماكروەكونوميكالىق زەرتتەۋلەر ورتالىعىنىڭ باسشىسى:
- اپتاسىنا ءبىر- اق ساعات ەڭبەك ەتكەن ادام جۇمىسپەن قامتىلعان دەپ سانالادى. ءوز جەر تەلىمىندە جۇمىس ىستەسىن الدە تۋىستارىنا تەگىن كومەكتەسسىن، ايىرماشىلىعى جوق. ماسەلەن جاقىندا وتكىزىلگەن ساۋالناماعا سۇيەنسەك، جاۋاپ بەرۋشىلەردىڭ % 24 ءى جۇمىسسىز جانە مۇلدەم تابىسسىز قالعانىن ايتقان. %38 ءى جارتىلاي جۇمىسى نەمەسە تابىسىنان ايىرىلعان.
رەسمي مالىمەت بويىنشا ىندەت باستالعالى گرۋزيادا ءوزىن ءوزى جۇمىسپەن قامتىعانداردىڭ سانى وسكەن. الايدا ەكونوميستەردىڭ ايتۋىنشا، بۇل ساناتتاعى ءبىراز ادامنىڭ تابىسى وتباسىن اسىراۋعا جەتپەيدى.