سەبەبى ۇيىم ماسكا تاقپاڭىزدار دەگەن كەڭەس بەرگەن جانە پاندەميا تۋرالى بارىنەن كەش ءبىلدى، - دەپ حابارلايدى ريا نوۆوستي.
بۇعان دەيىن د د ۇ-نىڭ چەحيالىق بولىمشەسى سوڭعى ۋاقىتتا ەلدە كوروناۆيرۋس جۇقتىرعاندار ايتارلىقتاي كوبەيگەنىنە نازار اۋدارىپ، سوعان بايلانىستى ءبىرقاتار كەڭەس بەرگەن.
«بۇل ماسكا تاقپاڭىزدار دەپ كەڭەس بەرگەن جانە پاندەميا باستالعانىن بىلمەي قالعان د د ۇ عوي. ول ۇندەمەي-اق قويۋ كەرەك دەپ ەسەپتەيمىن»، - دەپ جازدى بابيش سەيسەنبى كۇنى Twitter جەلىسىندەگى اككاۋنتىندا.
چەحيانىڭ دەنساۋلىق ساقتاۋ ءمينيسترى ادام ۆويتەح پرەمەردى قولدادى جانە د د ۇ-نىڭ سىنى ورىنسىز دەپ ەسەپتەيدى. ونىڭ ايتۋىنشا، بيلىك ەلدەگى جاعدايدى باقىلاپ وتىر.
چەحيادا سوڭعى تاۋلىكتە 563 ادام COVID-19 جۇقتىردى. وتكەن اپتامەن سالىستىرعاندا اۋىرعاندار ازايدى. قازىر 8424 ادام اۋىرىپ، ونىڭ ىشىندە 214 ناۋقاس اۋرۋحانادا جاتىر جانە 54 ىنىڭ جاعدايى اۋىر.
پاندەميا باستالعالى چەحيادا 28716 ادام كوروناۆيرۋس جۇقتىردى، 19855 ناۋقاس جازىلدى جانە 437 ادام قايتىس بولدى.