ەلوردادا سۇرانىسقا يە ماماندىقتار انىقتالدى

«ەلەكتروندىق ەڭبەك بيرجاسى» پورتالىندا 700 دەن استام جۇمىس بەرۋشىنىڭ 6096 بوس جۇمىس ورنى ورنالاستىرىلعان.

قۇرىلىس سالاسىندا جۇمىس بەرۋشىلەر اراسىندا سۇرانىسقا يە ماماندىقتار - ينجەنەر سمەتاشى، ورتا بۋىن باسشىسى (پروراب)، شەبەر، قارا جۇمىس ىستەۋشى، تاس قالاۋشى، ارماتۋراشى، بەتونشى، ۋچاسكە ەلەكتريگى، ءوندىرىس-تەحنيكا ءبولىمىنىڭ ينجەنەرى.

ساۋدا سالاسى بويىنشا مىنا كادرلاردىڭ تاپشىلىعى بايقالادى: ساتۋشى، كاسسير، مەنەدجەر، سۋپەرۆايزەر، مەرچەندايزەر، ساۋدا وكىلى، جانارماي قۇيۋشى.

دەنساۋلىق ساقتاۋ سالاسىندا دارىگەر، مەدبيكە، سانيتار ماماندىقتارى سۇرانىسقا يە.

جۇمىسپەن قامتۋ ورتالىعىنىڭ دەرەكقورىندا جاستارعا ارنالعان - 1894 بوس جۇمىس ورنى بار. ونىڭ ىشىندە 660 سىندا جۇمىس بەرۋشى جاتىن ورىن ۇسىنادى. بۇل جەردە اسىرەسە قۇرىلىس سالاسىنداعى بوس جۇمىس ورىندارىنا باسىم. جۇمىس كەستەسىن ەڭبەككەر ءوزى تاڭدايتىن 38 بوس جۇمىس ورنى بار. سونداي-اق، ەلوردالىق جۇمىسپەن قامتۋ ورتالىعى جۇمىسپەن قامتۋدىڭ جول كارتاسى جانە «جاستار تاجىريبەسى»، «قوعامدىق جۇمىستار» باعدارلامالارى اياسىندا بوس جۇمىس ورىندارىن ۇسىنادى.

بوس جۇمىس ورىندارىنىڭ ءتىزىمى ورتالىقتىڭ سايتىندا جاريالانعان. جۇمىسپەن قامتۋدىڭ جول كارتاسى بويىنشا بوس جۇمىس ورىندارى مىنا سىلتەمەدە.

جۇمىسپەن قامتۋدىڭ جول كارتاسى بويىنشا ەڭ قاجەتتى بوس جۇمىس ورىندارى: جۇمىسشى، جول جۇمىسشىسى، جۇك كولىگىنىڭ جۇرگىزۋشىسى، مونتاجشى، كوگالداندىرۋ بويىنشا جۇمىسشى. جاستار تاجىريبەسى بويىنشا بوس جۇمىس ورىندارى مىنا سىلتەمەدە.