جابىرلەنۋشىلەرگە كەلتىرىلگەن شىعىن كولەمى 40 ميلليون تەڭگە. بارىمتاشىلار وبلىس كولەمىندە ارەكەت ەتكەن. ولاردان وڭىردەگى 6 اۋداننىڭ تۇرعىندارى زاراپ شەككەن. كانىگى ۇرىلار تەك ءىرى قارا مەن جىلقىلاردى عانا ۇپتەپ كەتىپ وتىرعان. كۇدىكتىلەر سوڭعى ءبىر جىلدا 20 باس سيىر مەن 58 باس جىلقىنى قولدى قىلعان. مالدىڭ كەيبىرى قورادان جوعالسا، كەيبىرىن جايىلىمنان ايداپ اكەتىپ وتىرعان. ۇستالعاندار تۇركىستان مەن شىمكەنت قالاسىنىڭ تۇرعىندارى.
كۇدىكتىلەردىڭ ءبىر توبى ۇرلانعان مالدى جۇك كولىگىمەن جەتكىزىپ وتىرسا، ەكىنشىسى - سولاردى قامايتىن قورا- جايدى سايلاپ، جاسىرىپ ۇستاعان. قىلمىستىق توپتىڭ بىرەۋى 5, ەكىنشىسى 3 ادامنان قۇرالعان. ۇرلانعان مالدى ساتىپ الىپ وتىرعان تاعى 4 ادام ۇستالدى. قولعا تۇسكەن كۇدىكتىلەردەن 42 باس جىلقى تاركىلەنىپ، زاڭدى يەلەرىنە قايتارىلدى. قازىر بۇل ىسكە قاتىستى سوتقا دەيىنگى تەرگەۋ امالارى جۇرگىزىلىپ جاتىر.
سۇلتانبەك ۇسىپبەكوۆ، تۇركىستان وبلىسى پوليتسيا دەپارتامەنتى باسقارماسى باستىعىنىڭ ورىنباسارى:
- جىل باسىنان جالپى مال ۇرلىعىمەن 15 قىلمىستىق توپ ۇستالدى. ولار 43 ادامنان قۇرالعان. ولارعا 101 مال ۇرلىعى دالەلدەنىپ سوتقا جولانعان. جىلباسىنان بەرى ۇرلانعان 900 دەن استام مالان يەلەرىنە 500 دەن استامى يەلەرىنە قايتارىلدى.
www.24.kz