نۇر- سۇلتان قالالىق پوليتسيا دەپارتامەنتى اكىمشىلىك پوليتسيا باسقارماسى ەلوردا اۋماعىندا ءبىر تاۋلىكتىڭ ىشىندە تىركەلگەن جول- كولىك وقيعالارىنا ساراپتاما جۇرگىزگەن. وعان تاۋلىك ىشىندە 70 جول- كولىك وقيعاسىنىڭ تىركەلىپ، مۇنداي جايتتاردىڭ 30 پايىزعا ارتۋى تۇرتكى بولعان.
«نۇر- سۇلتان قالالىق پوليتسيا دەپارتامەنتى اۋا رايىنا بايلانىستى جۇرگىزۋشىلەردەن كولىكپەن قوزعالىس بارىسىندا بارىنشا تىڭعىلىقتى ءارى اباي بولۋعا، جىلدامدىق رەجيمىن، قاۋىپسىز اراقاشىقتىقتى جانە مانيەۆر جاساۋ ەرەجەسىن بۇلجىتپاي ساقتاۋعا شاقىرادى. جۇرگىزۋشى ءۇشىن جاڭبىردىڭ العاشقى تامشىلارى وتە ء!قاۋىپتى سانالادى. جول جابىندىسى شاڭ- توزاڭدى، ونىڭ ۇستىنە كۇزگى جاپىراقتاردىڭ ءتۇسۋى باستالدى. مۇنداي جايت جينالا كەلە كولىك قۇرالىنىڭ توقتاۋ جولىن ارتتىرا تۇسەدى. سول سەبەپتى كۇرت مانيەۆر جاساۋدان جانە تەجەگىشتى كەنەتتەن باسۋدان ساق بولۋ قاجەت. جاڭبىر كورىنىستى تومەندەتەدى جانە بارىنشا مۇقيات بولۋ قاجەت. جاڭبىر نەمەسە قار جاۋىپ تۇرعان كەزدە جاياۋ جۇرگىنشى جاقىنداپ قالعان كولىك قۇرالىن بايقاماي قالۋى مۇمكىن. مۇنداي جاعدايدا كەيدە جاياۋ جۇرگىنشى شالت قيمىلداۋى دا ىقتيمال» !، - دەپ اتاپ وتەدى دەپارتامەنتتەن.
وسىعان وراي پ د جۇرگىزۋشىلەرگە جاياۋ جۇرگىنشى وتەتىن جولاققا جاقىنداعان كەزدە كولىك جىلدامدىعىن بارىنشا تومەندەتىپ، ساق بولۋ قاجەتتىگىن ەسكەرتەدى.