اق ۇيدە وتكەن باسپا ءسوز كونفەرەنسياسىندا دونالد ترامپ ەل عالىمدارىنىڭ جەتىستىگى تۋرالى سۇيسىنە باياندادى.
«ادەتتە قانداي دا ءبىر پرەپاراتقا 2-3 جىلىن سارپ ەتەتىن عالىمدار ەندى جەدەل قيمىلدادى»، - دەيدى ترامپ.
«ا ق ش پرەزيدەنتىنىڭ باسشىلىعىمەن جۇرگىزىلگەن عىلىمي- زەرتتەۋ جۇمىستارى رەكوردتىق قىسقا ۋاقىتتا ءوز ناتيجەسىن بەرە باستادى»، - دەيدى دەرەك كوزدەرى.
ترامپتىڭ ءوزى ەكپەنىڭ ساپاسىنا دا ەش كۇمان كەلتىرمەدى. ەستەرىڭىزگە سالايىق، جۋىردا ساياساتكەر امەريكالىق ۆاكسينا سىناقتىڭ سوڭعى كەزەڭىندە ەكەنىن جاريالاعان بولاتىن. جالپى بۇعان دەيىن قۇراما شتاتتارى ۆاكسينا ازىرلەۋدە قولعا العان بىرنەشە جوبانى 12 ميلليارد دوللارعا قارجىلاندىرىپ وتىرعانىن حابارلاعان ەدى.
دونالد ترامپ، ا ق ش پرەزيدەنتى:
- كوروناۆيرۋسقا قارسى ۆاكسينا قازان ايىندا شىعۋى مۇمكىن. بۇرىن جىلدار بويعى ىزدەنىستەن تۋاتىن دارمەك وتە جىلدام دايىندالدى. جۇمىس بارىسىن جەكە باقىلاۋىما الدىم. سەبەبى جاعداي سونى تالاپ ەتتى. ءبىز ادامزات بالاسىن قۋانتا الاتىن ۆاكسينا جاسادىق دەپ ويلايمىن.