بۇل تۋرالى ق ر باس پروكۋرورىنىڭ ورىنباسارى مارات احمەتجانوۆ ايتتى، دەپ حابارلايدى قازاقپارات ءتىلشىسى.
«ىستەردىڭ باسىم بولىگى ۇكىم شىعارىلۋمەن اياقتالىپ، قىلمىسكەرلەر جاساعان ارەكەتى ءۇشىن شىنايى جازا الادى. ماسەلەن، ازامات بەگالين 2019 -جىلى 9 رەت ۇرلىق جاساعان. ونىڭ ۇشىندە 4 رەت ۇيگە ۇرلانىپ كىرىپ، قىلمىس جاساعانى انىقتالدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، قىلمىسكەر جوعارىدا اتالعان بارلىق قىلمىسى ءۇشىن زارداپ شەگۋشىلەرمەن تاتۋلاسۋ ارقىلى بوستاندىقتا قالىپ وتىرعان.
«دەگەنمەن، وسى جىلدىڭ اقپانىندا ول دۇكەنگە كىرىپ كەزەكتى رەت ۇرلىق جاساعانى ءۇشىن ۇستالىپ، تۇتقىنعا الىندى جانە باس بوستاندىعىنان ايىرۋعا سوتتالدى. بۇعان قوسا، جاسالعان اۋىر قىلمىستار بارلىق ۋاقىتتا قۇقىق قورعاۋ ورگاندارى باسشىلارىنىڭ ەرەكشە باقىلاۋىندا تۇر. ولاردى تاجىريبەلى قىزمەتكەرلەر تەرگەيدى»، - دەدى باس پروكۋروردىڭ ورىنباسارى.
اۆتور: مارلان جيەمباي