«حلوروپلاست گەنومىنا نەگىزدەلگەن رەكومبينانتتى اقۋىزداردى الۋ تەحنولوگياسى ترانسپلاستومدى وسىمدىكتەر شىعۋ كەزىندە ماقساتتى اقۋىزدىڭ كوپ مولشەرىن الۋعا مۇمكىندىك بەرەتىندىگىنە بايلانىستى ۇلكەن تانىمالدىلىققا يە بولۋدا. ترانسپلاستومدى وسىمدىكتەر - حلوروپلاست گەنومىنا بوتەن گەن (ترانسگەن) ەنگىزىلگەن گەنەتيكالىق تۇرلەندىرىلگەن وسىمدىكتەر. قازىرگى مالىمەتتەرگە سايكەس، ترانسپلاستومالىق وسىمدىكتەردىڭ جاپىراق تىندەرىندە رەكومبينانتتى اقۋىز 45-تەن 72 پايىزعا دەيىن جينالۋى مۇمكىن»، - دەلىنگەن كوميتەت اقپاراتىندا.
ق ر ب ع م عىلىم كوميتەتى م. ايتحوجين اتىنداعى مولەكۋلالىق بيولوگيا جانە بيوحيميا ينستيتۋتى ۇزاق ۋاقىت بويى مولەكۋلالىق بيولوگيا جانە وسىمدىكتەر بيوتەحنولوگياسى سالالارىندا ىرگەلى زەرتتەۋلەر جۇرگىزۋگە ماماندانعان. اقۋىز جانە نۋكلەين قىشقىلدارى زەرتحاناسىنىڭ قىزمەتكەرلەرى بيولوگيا عىلىمدارىنىڭ كانديداتى گۇلشان ستانبەكوۆانىڭ جەتەكشىلىگىمەن قوي شەشەگى ۆاكسيناسىنىڭ كومپونەنتتەرىن الۋ ءۇشىن بالاما ءتاسىل ۇسىنىپ وتىر.
«بۇل تەحنولوگيا ءبىرقاتار اۋرۋلارعا ارنالعان ۆاكسينالاردى جاساۋ كەزىندە سىنالدى. ءبىراق قوي شەشەگىنىڭ ۆيرۋسى ءۇشىن العاش رەت ۇسىنىلىپ وتىر ءارى الەمدە بالاماسى جوق. قازاقستاندىق عالىمدار ازىرلەگەن ءادىس تەمەكىنىڭ گەنەتيكالىق تۇرلەندىرىلگەن وسىمدىكتەرىندە ۆيرۋستىق انتيگەندەردى وندىرۋگە مۇمكىندىك بەرەدى. الىنعان انتيگەندەر كەيىننەن قوي شەشەگىنىڭ ۆيرۋسىنا رەكومبينانتتى ۆاكسينا ءوندىرۋدىڭ نەگىزى رەتىندە قىزمەت ەتەدى. رەكومبينانتتى ۆاكسينالاردى الۋدىڭ وسىمدىك جۇيەلەرىنىڭ باسقا ەۋكاريوتتىق جۇيەلەرمەن سالىستىرعاندا وزىندىك قۇنى تومەن، ونىمدىلىگى جوعارى جانە ءقاۋىپسىز بولعاندىقتان، تارتىمدى بالاما بولىپ تابىلادى، سەبەبى ولاردا ادامدار مەن جانۋارلار ءۇشىن پاتوگەندى ۆيرۋستار جوق»، - جوق دەپ تۇسىندىرەدى ۆەدومستۆودان.
ق ر ب ع م عىلىم كوميتەتى قارجىلاندىراتىن گرانتتىق جوبانى ورىنداۋ بارىسىندا قوي شەشەگى ۆيرۋسىنىڭ جوعارى يممۋندىق قۇرىلىمدىق اقۋىزدارىن سينتەزدەيتىن تەمەكى وسىمدىكتەرى الىندى جانە ولاردى وسىمدىك تىندەرىنەن تازارتۋ جولعا قويىلدى. ناتيجەلەرى پاتەنتتەلدى جانە پراكتيكاعا ەنگىزۋ ءۇشىن ودان ءارى دامىتۋ كۇتىلۋدە.
قوي شەشەگى قازاقستاننىڭ مال شارۋاشىلىعىنا ۇلكەن زيان كەلتىرەدى. اۋىل شارۋاشىلىعىندا ارزان، قاۋىپسىز ءارى ءتيىمدى جاڭا ۆاكسينالاردى پايدالانۋ وندىرىلەتىن ا و ك ونىمدەرىنىڭ ازىق-تۇلىك قاۋىپسىزدىگىن ارتتىرۋعا مۇمكىندىك بەرەدى. جوعارىدا اتالعان بيوتەحنولوگيا ەلدەگى ۆاكسينالار ءوندىرىسىنىڭ عىلىمي- تەحنولوگيالىق دەڭگەيىن كوتەرەدى، الىنعان تاجىريبە وسىمدىكتەردەگى ماقساتتى اقۋىزداردى تەك ۆەتەرينارلىق قانا ەمەس، سونىمەن قاتار مەديتسينالىق ماقساتتا دا ءوندىرۋ ءۇشىن پايدالى بولماق.
اۆتور: مارلان جيەمباي