زەرتتەۋ جۇمىسىنا COVID-19 ۆيرۋسىنىڭ اۋىر تۇرىمەن اۋىرعان 86 ناۋقاسقا ساراپتاما جۇرگىزىلگەن. ولار 2020 -جىلدىڭ ساۋىرىنەن ماۋسىمى ارالىعىندا باقىلاۋدا بولعان. ناۋقاستار اۋرۋحانادان شىققاننان كەيىن 6 اپتادان سوڭ تەكسەرىلگەن. سونداي-اق، 12 اپتادان كەيىن تاعى ءبىر تەكسەرىستەن وتكەن.
6 اپتادان كەيىن عالىمدار ناۋقاستاردىڭ 65,9 پايىزىندا COVID-19 تۇراقتى بەلگىلەرى بار ەكەنىن انىقتاعان. ولاردىڭ ىشىندەگى ەڭ ءجيى كەزدەسەتىن بەلگى - ەنتىگۋ جانە جوتەل.
«COVID-19 ۆيرۋسىمەن اۋىرىپ، اۋرۋحانادان شىعارىلعان ناۋقاستاردىڭ وكپەسىنە زاقىم كەلگەنى انىقتالدى. بۇل جاعىمسىز جاڭالىق بولىپ سانالادى. الايدا جاقسى جاڭالىق تا بار. ۋاقىت وتە زاقىمدالعان وكپە قالپىنا كەلگەن. بۇل وكپەدە وزدىگىنەن قالپىنا كەلۋ مەحانيزمى بار ەكەنىن كورسەتەدى»، - دەيدى زەرتتەۋ جۇمىسىنىڭ اۆتورى، دوكتور سابينا ساحانيك.