قاۋلى جوباسى اشىق نقا پورتالىندا جاريالاندى. قۇجاتقا سايكەس تومەندەگى تىزبەدە كوزدەلگەن ينفەكتسيالىق اۋرۋلاردىڭ اكەلىنۋ جانە تارالۋ قاۋپى تونگەن جاعدايدا كودەكستىڭ 104-بابىنا سايكەس:
- ينفەكتسيالىق اۋرۋلاردىڭ تارالۋىن بولدىرماۋعا باعىتتالعان؛
- كاسىپكەرلىك جانە (نەمەسە) وزگە دە قىزمەتتىڭ ەرەكشە رەجيمىن كوزدەيتىن شارالاردى قامتيتىن شەكتەۋ ءىس- شارالارى، ونىڭ ىشىندە كارانتين ەنگىزىلەدى. پايدا بولۋ جانە تارالۋ قاۋپى تونگەن كەزدە شەكتەۋ ءىس- شارالارى، ونىڭ ىشىندە كارانتين ەنگىزىلەتىن ينفەكتسيالىق اۋرۋلاردىڭ تىزبەسى № ينفەكتسيالىق اۋرۋلاردىڭ اتاۋى
1. وبا
2. تىرىسقاق
3. سارى قىزبا
4. ۆيرۋستىق گەمورراگيالىق قىزبالار
5. اۋىر ءجىتى رەسپيراتورلىق سيندروم (ا ج ر س)
6. ۆيرۋستىڭ جاڭا كىشى ءتيپى تۋدىرعان ادام تۇماۋى
7. ۆيرۋستىڭ جاڭا كىشى ءتيپى تۋدىرعان كوروناۆيرۋستىق ينفەكتسيا «ينفەكتسيالىق جانە پارازيتتىك اۋرۋلاردىڭ قازاقستان رەسپۋبليكاسىنىڭ اۋماعىنا اكەلىنۋ جانە (نەمەسە) قازاقستان رەسپۋبليكاسىنىڭ بۇكىل اۋماعىندا تارالۋ قاۋپى تونگەن جاعدايدا قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرى ەۋرازيالىق ەكونوميكالىق وداقتىڭ كەدەندىك شەكاراسىمەن تۇسپا- تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە نەمەسە قازاقستان رەسپۋبليكاسىنىڭ بۇكىل اۋماعىندا كاسىپكەرلىك جانە (نەمەسە) وزگە دە قىزمەتتىڭ جانە حالىقتىڭ ءومىر ءسۇرۋىنىڭ ەرەكشە جاعدايلارىمەن شەكتەۋ ءىس- شارالارىن، ونىڭ ىشىندە كارانتين ەنگىزەدى»،- دەلىنگەن قۇجاتتا.
تىزبەدە كوزدەلمەگەن ينفەكتسيالىق اۋرۋلاردىڭ پايدا بولۋ جانە تارالۋ قاۋپى تونگەن جاعدايدا جەكەلەگەن اۋماقتاردا (وبەكتىلەردە) شەكتەۋ ءىس- شارالارى، ونىڭ ىشىندە كارانتين قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ نەمەسە ءتيىستى اكىمشىلىك- اۋماقتىق بىرلىكتىڭ (كولىكتەگى) باس مەملەكەتتىك سانيتاريالىق دارىگەرىنىڭ قاۋلىسىمەن، سونداي- اق وزگە دە مەملەكەتتىك ورگانداردىڭ ۆەدومستۆولىق وبەكتىلەرىندە كودەكستىڭ 104-بابىنا سايكەس حالىقتىڭ سانيتاريالىق- ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ قۇرىلىمدىق بولىمشەلەرىنىڭ باس مەملەكەتتىك سانيتاريالىق دارىگەرىنىڭ شەشىمىمەن ەنگىزىلەدى. قاۋلى جوباسى 28 -تامىزدان باستاپ 14 -قىركۇيەككە دەيىن تالقىلاۋ ساتىسىندا بولادى.