ەلىمىزدە الەۋمەتتىك كاسىپكەرلىك جوباسى ازىرلەنىپ جاتىر
«بىزگە ازاماتتىق قوعامدى دامىتۋدىڭ زامانۋي تاسىلدەرىن ەنگىزۋ بويىنشا تىڭ مىندەت جۇكتەلىپ وتىر. وعان تاياۋدا 2025 -جىلعا دەيىن قازاقستانداعى ازاماتتىق قوعامدى دامىتۋ تۇجىرىمداماسىنىڭ قابىلدانۋى دالەل بولا الادى. وندا ازاماتتىق قوعامدى جانە ونىڭ ينستيتۋتتارىن دامىتۋ ءۇشىن جاعداي جاساۋ، بولىپ جاتقان قوعامدىق- ساياسي پروتسەستەردى، ەكونوميكالىق باسەكەلەستىكتى، ازاماتتىق بەلسەندىلىكتىڭ ءتۇرلى فورمالارى مەن ادىستەرىن ەسكەرە وتىرىپ، ازاماتتاردى مەملەكەت پەن قوعامنىڭ نەگىزگى مىندەتتەرىن شەشۋگە تارتۋ شارالارى كوزدەلگەن»، - دەدى ول .
«دامۋ تاريحى: ىشتەي كوزقاراس» اتتى 11- جىل سايىنعى حالىقارالىق كونفەرەنتسياسىندا. ونىڭ اتاپ وتۋىنشە، اتالعان تۇجىرىمداما جۇمىسىنىڭ تيىمدىلىگىن كۇشەيتۋ ءۇشىن مەملەكەتتىڭ قوعامدىق ۇيىمدارمەن بىرلەسكەن جۇيەلى جۇمىسى قاجەت. كۇش بىرىككەندە عانا جاڭا بۋىننىڭ قۇزىرەتتى، تۇراقتى ءارى باسەكەگە قابىلەتتى ۇكىمەتتىك ەمەس ۇيىمىن قۇرۋعا بولادى.
«بۇعان قوسا، ءبىز ۇكىمەتتىك ەمەس ۇيىمداردىڭ جۇمىسىنا يننوۆاتسيالىق تاسىلدەر ەنگىزۋ جۇمىستارىنا باستاماشالىق جاسادىق. ونىڭ ىشىندە الەۋمەتتىك كاسىپكەرلىكتى دامىتۋ، ۇكىمەتتىك ەمەس ۇيىمداردىڭ (ۇەۇ) تۇراقتىلىعىن ارتتىرۋ، تۇراقتى نەگىزدە بيزنەستىڭ ۇەۇ- لارمەن ءوزارا ءىس- قيمىلىن جولعا قويۋ كىرەدى. بۇگىندە ۇكىمەتتىك ەمەس ۇيىمداردىڭ مىندەتتەرىن ارتتىرۋ بويىنشا نەگىزگى ماقساتتار جۇزەگە اسىرىلىپ، الەۋمەتتىك كاسىپكەرلىك ىلكى جوباسى ازىرلەنىپ جاتىر. بۇل جوبا الەۋمەتتىك كاسىپكەرلىك مادەنيەتىن دامىتۋعا ناقتى ۇسىنىستار قالىپتاستىرۋ مۇمكىندىگىن بەرەدى. ىلكى جوبادا ۇكىمەتتىك ەمەس ۇيىمدار اراسىندا وسى باعىتتى دامىتۋدىڭ مۇنان ارعى قادامدارى كورىنىس تابادى»، - دەدى كوميتەت ءتوراعاسى.