«بيىلعى پرەزيدەنت جولداۋىندا بەتبۇرىس قادامدار، جاڭا تىڭ ۇسىنىستار بار. جولداۋدى تەرەڭىرەك قاراساڭىز، پرەزيدەنت تۇبەگەيلى رەفورماعا بارعىسى بار. وي، يدەيا، تاپسىرما بەرىلگەن. پرەزيدەنت ءتىپتى قوعامدى جاڭعىرتۋعا بارماقشى. جاڭا جولداۋ - ريەۆوليۋتسيالىق يدەيالار جيىنتىعى. الايدا كورسەتىلگەن مەجە مىندەتتەر حالىقپەن بىرگە ىسكە اسۋى كەرەك. ءار ادامنىڭ ىنتاسى، ساناسى وزگەرمەسە باسقاسىنان ناتيجە از بولادى»، - دەدى عالىم.
اكادەميك جولداۋداعى 11-تاراۋدىڭ ىشىندە ەڭ ماڭىزدىسى ۇلتتىق جاڭا بولمىسىنا ارنالعان تاراۋ ەكەنىن ايتتى.
«ماڭىزى جاعىنان 11-تاراۋدىڭ ىشىنەن ۇلتتىڭ جاڭا بولمىسىنا قاتىستى تاراۋعا باسىمدىق بەرىلىپ تۇر. جاڭا زامان باستالدى. الەم كۇرت وزگەرگەن. ەرتەڭ نە بولارىن بىلمەيمىز. ءتىپتى G7, G20 ەلدەرى ا ق ش- تان باستاپ وزدەرى دە داعدارىستا. الدى 30 پايىزعا، بريتانيا 20 پايىزعا شىعىنعا باتقان. ەندى باسقا پۋنكتتەر العا شىعادى. سيفرلاندىرۋ، ينتەرنەت، ءىت، بيوتەحنولوگيا، جاساندى ينتەللەكت زامانى كەلە جاتىر. دامىعان مەملەكەتتەردە 75 پايىزدان جوعارى كىرىس ينتەللەكتۋالدىق ەڭبەكتەن، 25 پايىزى مۇناي- گاز ماتەريالدىق سالادان كەلىپ جاتىر. مىنا جولداۋدا قايتا وڭدەۋدى تەز دامىتۋ، شيكىزات ەكونوميكاسىنان كەتۋ مەجەسى قويىلعان. ەكونوميكانى كۇشەيتپەسە قالعانى بولمايدى»، - دەدى ول.
ايتا كەتەيىك، 2020 -جىلعى 1- قىركۇيەكتە مەملەكەت باسشىسى قاسىم- جومارت توقايەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جىل سايىنعى ءداستۇرلى جولداۋىن جاريالادى.