«مەن ءسىزدىڭ اتىڭىزعا ءوتىنىش جازدىم. بايزاقوۆ كوشەسى، 170 مەكەنجايىندا ورنالاسقان 9 قاباتتى ءۇيدىڭ شاتىرىندا ءار اپتانىڭ جۇما جانە سەنبى كۇندەرى ديسكوتەكا ۇيىمداستىرىلادى. مۋزىكانىڭ داۋىسىنىڭ قاتتىلىعى سونشا بۇكىل اۋدانعا ەستىلەدى. سىزدەن وسى ماسەلەگە قاتىستى شارا قولدانۋىڭىزدى سۇرايمىن»، - دەپ شاعىمداندى الماتىلىق ايەل Facebook ارقىلى المالى اۋداندىق پوليتسيا ءبولىمىنىڭ باستىعى ەسەن ىسقاقوۆقا.
پوليتسيا قىزمەتكەرلەرى بۇل شاعىمدى نەگىزگە الا وتىرىپ، ءتارتىپ بۇزۋشىلارعا ايىپپۇل سالعان.
«شاعىم بويىنشا المالى اۋداندىق پوليتسيا ءبولىمىنىڭ قىزمەتكەرلەرى شۇعىل شارالار قابىلدادى. بايزاقوۆ كوشەسى، 170 مەكەنجايىندا ورنالاسقان 9 قاباتتى ءۇيدىڭ شاتىرىن تەكسەردى، كىنالىلەرگە 434-2 باپ - «قوعامدىق ورىنداردىڭ لاستانۋى»، 440-باپ - الكوگولدىك ىشىمدىكتەر ءىشۋ نەمەسە ماس كۇيىندە قوعامدىق ورىنداردا ءجۇرۋ بويىنشا حاتتاما تولتىرىلدى»، - دەدى ەسەن ىسقاقوۆ.
پاتەر يەسىنە 13890 تەڭگە ايىپپۇل تۇرىندە اكىمشىلىك حاتتاما تولتىرىلدى.