جاڭا تەحنولوگيانى TCL كومپانياسى بەرليندە وتكەن IFA 2020 كورمەسىندە ۇسىندى. مامانداردىڭ ايتۋىنشا، ولارعا قولدانۋشىلاردىڭ كورۋ قابىلەتىن تومەندەتپەيتىن ەكران جاساپ شىعارۋ ماڭىزدى بولعان. NXTPAPER قازىردىڭ وزىندە رەيندەگى نەمىس زەرتحاناسىنان، شۆەيتساريانىڭ SGS زەرتحاناسىنان جانە VDE قاۋىمداستىعىنان كورۋ قابىلەتىن قورعاۋ تەحنولوگيالارىنا 11 پاتەنت پەن ءتيىستى سەرتيفيكاتتار الدى.
«بىزدىڭ جوبا، اسىرەسە، قازىرگى ۋاقىتتا وتە ماڭىزدى. ويتكەنى كوپتەگەن ادامدار ۇيدە جۇمىس ىستەپ، ەكران الدىندا كوپ ۋاقىت وتكىزۋدە. ءبىز ولاردىڭ كورۋ قابىلەتتەرىن ساقتاۋعا كومەكتەسەتىن قۇرىلعىلار جاساۋىمىز كەرەك دەپ شەشتىك»، - دەدى TCL باس مەنەدجەرى دجەففەرسون لي.
زەرتتەۋ ەكى جىل بويى جۇرگىزىلگەن. جاڭا تەحنولوگيا بولاشاقتا سۇيىق كريستالدى ديسپلەيلەردىڭ دە ورنىن باسۋى مۇمكىن.
www.24.kz