سينوپتيكتەردىڭ بولجاۋىنشا، 7- قىركۇيەكتە قازاقستاننىڭ باسىم بولىگىندە سولتۇستىك جانە وڭتۇستىك تسيكلوندار اسەر ەتەدى. سوندىقتان كەي جەرلەردە نايزاعاي جارقىلداپ، جاڭبىر جاۋادى. تەك ەلىمىزدىڭ وڭتۇستىگى مەن باتىسىندا كۇن رايى اشىق بولادى.
سونداي-اق كەي جەرلەردە تۇمان ءتۇسىپ، جەل كۇشەيەدى، باتىستا كۇشتى جەلمەن شاڭدى داۋىل سوعادى.
قوستاناي، شىعىس قازاقستان وبلىستارىندا، تۇندە جانە تاڭەرتەڭ اقمولانىڭ كەي جەرلەرىندە تۇمان تۇسەدى، كۇندىز جەل 15-20 م/س كۇشەيەدى.
تۇركىستان، الماتى، ماڭعىستاۋ، اتىراۋ، قاراعاندى، كۇندىز سولتۇستىك قازاقستان، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى.
ماڭعىستاۋ جانە اتىراۋ وبلىستارىندا شاڭدى داۋىل سوعادى. الماتى، كۇندىز قاراعاندى وبلىستارىنىڭ كەي جەرلەرىندە - نايزاعاي ويناپ، جامبىل وبلىسىنىڭ كەي جەرلەرىندە تۇمان ءتۇسى مۇمكىن.
قاراعاندى وبلىسىنىڭ كەي جەرلەرىندە مينۋس 1-3 گرادۋس ۇسىك جۇرەدى.
اتىراۋ، قىزىلوردا وبلىستارىنىڭ باسىم بولىگىندە، قاراعاندى، تۇركىستان وبلىستارىنىڭ كەي جەرلەرىندە، باتىس قازاقستان وبلىسىنىڭ وڭتۇستىگىندە توتەنشە ءورت قاۋپى ساقتالادى.