نيۋ- يوركتە قازاق قىزى ءشامشىنىڭ ءانىن قوبىزبەن ورىندادى
16:40, 05 - قىركۇيەك 2020
نيۋ- يورك. قازاقپارات - كومپوزيتور ءشامشى قالداياقوۆتىڭ 90 جىلدىق مەرەيتويىنا ارنالعان چەللەندج امەريكانىڭ نيۋ- يورك قالاسىندا جالعاستى، دەپ حابارلايدى قازاقپارات.
قازاقستاننىڭ سىرتقى ىستەر مينيسترلىگىنىڭ مالىمەتىنە سەنسەك، ەلىمىزدىڭ نيۋ- يورك قالاسىنداعى باس كونسۋلدىعى ءشامشى قالداياكوۆتىڭ تۋعانىنا 90 جىل تولۋىنا وراي ۇيىمداستىرىلعان «مەنىڭ قازاقستانىم» اتتى مۋزىكالىق چەللەندجگە ءۇن قوسقان.
«مەرەيتوي شەڭبەرىندە ق ر ەڭبەك سىڭىرگەن قايراتكەرى اسەل نۇركەنوۆا قوبىز اسپابىندا كومپوزيتوردىڭ «تۋعان كۇن كەشىندە» اتتى ءانىن ورىندادى» دەپ جازادى مينيسترلىك.