ءبىرىنشى سىنىپ وقۋشىلارىنا تۋبەركۋلەزگە قارسى ريەۆاكسيناتسيا باستالدى
2020 -جىلدىڭ 1 - قىركۇيەك پەن 30 - قىركۇيەك ارالىعىندا ءبىرىنشى سىنىپ وقۋشىلارى اراسىندا تۋبەركۋلەزگە قارسى ريەۆاكسيناتسيا جۇرگىزىلەدى. پروتسەدۋرا بالالاردى وقىتۋ نىسانىنا قاراماستان، قاشىقتان نەمەسە كۇندىزگى ۋاقىتتا مەكتەپتەردىڭ ەگۋ كابينەتتەرىندە جۇرگىزىلەدى. مۇنداي تاجىريبە كارانتيندىك شارالار ەنگىزىلگەنگە دەيىن قولدانىلدى.
1- قىركۇيەككە دەيىن ۋچاسكەلىك دارىگەرلەر مانتۋ سىناماسى بويىنشا تەكسەرىلەتىن 1-سىنىپ وقۋشىلارىنىڭ ءتىزىمىن جاسادى. 4- قىركۇيەكتە اتا- انالار مەن بالالاردى مەكتەپكە مانتۋ سىناماسىنا جانە БЦЖ ريەۆاكسيناتسياسىنا شاقىرا باستادى. ءاربىر ءبىلىم بەرۋ مەكەمەسىندە 4-تەن 8-گە دەيىن ءبىرىنشى سىنىپتار بولعاندىقتان، وقۋشىلار كوپ جينالماس ۋاقىت ارالىقتارى مەن فيزيكالىق قاشىقتىقتى ساقتاي وتىرىپ، كەستەگە سايكەس شاقىرىلادى.
«№11 قالالىق ەمحانا جەتىسۋ اۋدانىنىڭ 6 مەكتەبىنە قىزمەت كورسەتەدى، ولاردىڭ ءارقايسىسىندا ءبىزدىڭ ارىپتەستەر تاڭعى ساعات 9.00-دەن باستاپ جۇمىس ىستەيدى. بارلىق سىنىپتاردا ساباق كەستەسى ءارتۇرلى بولعاندىقتان، سول ساباق كەستەسىنە بايلانىستى قۇرىلدى جانە وقۋشىلاردىڭ باسىم كوپشىلىگى قاشىقتىقتان وقيدى. 6 مەكتەپ بويىنشا 800-گە جۋىق 1-سىنىپ وقۋشىلارىن قامتۋدى جوسپارلاپ وتىرمىز. بيىل اتا- انالار اراسىنداعى جوعارى بەلسەندىلىكتى اتاپ وتكىمىز كەلەدى. كوروناۆيرۋستىق ينفەكسيا بويىنشا ەپيدەميولوگيالىق جاعدايعا بايلانىستى باس تارتۋدىڭ بىرنەشە جاعدايلارى دا كەزدەستى» - دەدى №11 قالالىق ەمحانانىڭ باس دارىگەردىڭ ەمدەۋ- پروفيلاكتيكالىق جۇمىستار جونىندەگى ورىنباسارى الماش اردابايەۆا.
پروتسەدۋرا اتا- انالاردىڭ ەرىكتى تۇردە كەلىسىم بەرىلگەننەن كەيىن جۇزەگە اسىرىلادى. مانتۋ سىناماسى مەن БЦЖ ريەۆاكسيناتسياسى اراسىنداعى ارالىق 3 كۇننەن 14 كۇنگە دەيىن بولادى. تۋبەركۋلەزگە قارسى ريەۆاكتسيناتسيا ناۋقانىنا جۇمىس تاجىريبەسى بار بىلىكتى ماماندار تارتىلعان. مەكتەپتەر مەن ەمحانالاردىڭ مەديتسينا قىزمەتكەرلەرى مانتۋ سىناماسىن قويۋ تەحنيكاسىنىڭ ەرەجەلەرى، تۋبەركۋلەزگە قارسى ەگۋلەر جۇرگىزۋ، يممۋنداۋدان كەيىن قولايسىز كورىنىستەردىڭ دامۋى جاعدايىندا شۇعىل كومەك كورسەتۋ ادىستەرى بويىنشا الدىن الا دايىندىقتان ءوتتى. БЦЖ ريەۆاكسيناتسياسىن جۇرگىزۋ كەزەڭىندە 1-سىنىپ وقۋشىلارىنا مەكتەپتەردە باسقا ەكپەلەر جۇرگىزۋ توقتاتىلادى. 2020 -جىلدىڭ 25 - جەلتوقسانىنا دەيىن مانتۋ سىناماسىنىڭ تەرىس ناتيجەسى كەزىندە БЦЖ ريەۆاكسيناتسياسىن جۇرگىزە وتىرىپ، كۇماندى رەاكسياسى بار 1-سىنىپ وقۋشىلارىنىڭ مانتۋ سىناماسى بويىنشا قايتا (3 ايدان كەيىن) تەكسەرۋدەن وتەدى.
اۆتور: الما مۇقانوۆا