«س ق- فارماتسيا» ءبىرىڭعاي ديستريبيۋتورى تۇماۋعا قارسى ەكپەنىڭ 2 ميلليوننان استام دوزاسىن ساتىپ الدى. بۇل شامامەن حالىقتىڭ 11 پايىزىن قامتۋعا جەتكىلىكتى. سونىمەن قاتار دەنساۋلىق ساقتاۋ باسقارمالارى قوسىمشا 753 900 دوزاعا تاپسىرىس بەردى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ دەرەگىنشە، ەلىمىزدە تۇماۋعا قارسى ەكپە 15-قىركۇيەكتەن باستالادى.
«ياعني ادەتتەگى مەرزىمنەن ەكى اپتا ەرتەرەك. بۇل ەپيدەميولوگيالىق ماۋسىمدا تۋىندايتىن تۇماۋ سەكىلدى اۋرۋلارعا قارسى مىقتى يممۋنيتەت قالىپتاستىرۋعا سەپتىگىن تيگىزەدى. ەستەرىڭىزگە سالايىن، تۇماۋعا قارسى ەكپەنىڭ كۇشى 6 ايدان 12 ايعا دەيىن ساقتالادى. ماۋسىمدىق تۇماۋعا قارسى حالىققا ەكپە جاساۋ ءۇشىن 5 مىڭنان استام ەگۋ كابينەتى دايىندالدى. قوسىمشا ەكپە سالاتىن ماماندار وقىتىلۋدا. 1 مىڭنان استام سەمينار وتكىزىلدى. ناتيجەسىندە 7 مىڭنان استام دارىگەر مەن 15 مىڭعا جۋىق كىشى جانە ورتا بۋىن قىزمەتكەر دايارلىقتان ءوتتى»، - دەدى باعدات قوجاحمەتوۆ.