«ەكى سالىقتى ءبىر تولەمگە بىرىكتىرۋ مەن ءبىر سالىقتى جويۋ بويىنشا ۇسىنىستار دايارلانعان. جەكە ادامداردىڭ مۇلىك جانە جەر سالىعىن بىرىكتىرۋ ەسكەرىلگەن. بۇل ءوز كەزەگىندە تۇبىرتەك تولتىرۋ، بانك كوميسسياسى سەكىلدى شىعىنداردى قىسقارتادى»، - دەدى مينيستر ۇكىمەت ۇيىندەگى باسپا ءسوز ءماسليحاتىندا.
سونىمەن قاتار، كوپپاتەرلى تۇرعىن ۇيلەردىڭ يەلەرى ءۇشىن جەر سالىعىن الىپ تاستاۋ ۇسىنىلادى. «وسى ورايدا بۇل قادامدار 3 ميلليون سالىق تولەۋشىگە قاتىستى بولادى. مۇنىمەن قوسا، جاڭا ۇسىنىستار بولەك قارالادى، ياعني ەڭبەكاقى تولەۋ قورىنان سالىقتى ۇستاپ قالۋ باعىتى پىسىقتالادى. وسى ورايدا ءبىر تولەمگە بىرىكتىرۋدى قاراستىرۋعا بولادى، بۇل قادام شاعىن ورتا بيزنەس ءۇشىن تولەم جاساۋدى ايتارلىقتاي جەڭىلدەتەدى. سونىمەن قاتار، ءتۇرلى تولەمدەر مەن الىمداردى وڭتايلاندىرۋعا بولادى»، - دەدى ر. دالەنوۆ.
ونىڭ ايتۋىنشا، اتالعان قادامداردى ىسكە اسىرۋ تۇرعىسىندا دايىن ۇسىنىستار 2021 -جىلى ەنگىزىلەدى دەپ جوسپارلانعان. ال تالقىلاۋداعى قالعان باستامالاردى تاجىريبە جۇزىندە ەنگىزۋ 2022 -جىلدان باستالادى.