بۇل تۋرالى ق ر ۇلتتىق ەكونوميكا ءمينيسترى رۋسلان دالەنوۆ ءمالىم ەتتى، دەپ حابارلايدى قازاقپارات ءتىلشىسى.
«اۋىل- ەل بەسىگى» جوباسى بويىنشا اۋىلداردى جاڭعىرتۋ جالعاسادى. بيىلعى جىلى 216 اۋىل قامتىلادى. وسى ورايدا اۋىل مەكتەپتەرىن، سپورت كەشەندەرىن، امبۋلاتوريا، جولداردى، جارىقتاندىرۋ جۇيەسى مەن ينجەنەرلىك جەلىلەردى سالۋ مەن جوندەۋ جۇرگىزىلەدى»، - دەدى مينيستر ۇكىمەت ۇيىندەگى باسپا ءسوز ءماسليحاتىندا.
سونىمەن قاتار بۇل باعىتتاعى جۇمىستار 2021 -جىلى دا جالعاسادى.
«اۋىل وكرۋگتەرىنىڭ قارجىلىق جاعدايى كۇشەيتىلەدى. كىرىستەردىڭ ءبىر بولىگى وكرۋگتەردىڭ بيۋدجەتىنە تاپسىرىلادى. سايكەسىنشە، اۋىل تۇرعىندارى جەرگىلىكتى قوعام جينالىستارى ارقىلى ەلەۋلى ماسەلەلەردى شەشەتىن بولادى. جالپى، 2353 اۋىل وكرۋگى ءۇشىن قارجىلىق مۇمكىندىك ارتادى. سونىمەن بىرگە، جەرگىلىكتى ءوزىن-ءوزى باسقارۋدى دامىتۋدىڭ جاڭا تۇجىرىمداماسى ازىرلەنەدى. وندا اۋىل اكىمدەرىن سايلاۋ، ءماسليحاتتار وكىلەتتىگىن كەڭەيتۋ قامتىلادى. اتاپ ايتقاندا، وكرۋگ بيۋدجەتىن قالىپتاستىرۋدا اۋىل تۇرعىندارىن بەلسەندى قاتىستىرۋ ەسكەرىلگەن. بۇل جۇمىستار وڭىرلەردىڭ ەكونوميكالىق مۇمكىندىكتەرىن كوتەرۋگە جول اشادى»، - دەدى رۋسلان دالەنوۆ.
اۆتور: رۋسلان عابباسوۆ