اسىرەسە، ەكسكۋرسيالىق قىزمەت ءتۇرى تۇرالاپ قالدى. جۇزدەگەن ادامدى تابىسىنان ايىرىپ، قيىن جاعدايعا تاپ بولدى. قازىر وڭىردە ەپيدەميولوگيالىق جاعداي تۇراقتالدى. ءبىراق جەرگىلىكتى بيلىك سىرتتان لەك-لەگىمەن كەلەتىن تۋريستەردى كۇتىپ وتىرعان جوق.
سوندىقتان ىشكى تۋريزمدى دامىتۋعا كۇش سالعان ءتيىمدى. الايدا، وڭىردەگى ىشكى تۋريزم سالاسى ءالى دە ءبىر ىزگە تۇسكەن جوق. كەيبىر تۋريستىك ورىنداردا قىزمەت كورسەتۋ ساپاسى، دارەتحانا، ءتىپتى قاۋىپسىزدىك ماسەلەلەرى دە تولىق شەشىلمەگەن.
كارانتين كەزىندە ۇزاق ۋاقىت بويى كوپ قاباتتى ۇيدە قامالعان تۇرعىندار شەكتەۋلەر الىنىسىمەن قالادان دالاعا، تابيعات اياسىنا قاراي ۇمتىلعانى راس. الايدا، تاۋعا شىعىپ، تازا اۋا جۇتىپ، تابيعات اياسىندا تىنىققىسى كەلگەندەر قاۋىپسىزدىك شارالارىن ۇمىت قالدىرىپ جاتتى. سونىڭ سالدارىنان تولەبي اۋدانىنداعى تاۋلاردا ەكى ادام قايتىس بولدى.
«سوندىقتان تۋريستىك توپ مۇشەلەرى ءۇشىن قاۋىپسىزدىك قاشاندا ءبىرىنشى ورىندا تۇرۋى ءتيىس»، - دەيدى ماماندار.
پەريزات قونىسبايەۆا، وبلىستىق تۋريزم باسقارماسىنىڭ ءبولىم باسشىسى:
- وسى ماسەلەنى رەتتەۋ بويىنشا گيدتار، پارامەديكتەر قاي جەردەن وقىپ، سەرتيفيكات الىپ، ۇيىمداستىرۋ شارالارىن زاڭدى تۇردە قالاي جۇزەگە اسىرۋ كەرەكتىگى بويىنشا تۋريزم يندۋسترياسى كوميتەتىنەن رەسمي حات جولداندى.
ماسەلەن، تۋريستىك وپەراتور، تۋراگەنت ساياحات ۇيىمداستىراتىن بولسا، ول مىندەتتى تۇردە ت ج د- عا تىركەلۋ كەرەك. تۋريستەر تاۋلى ايماققا تۋريستىك جولباسشىسىز شىعۋعا رۇقسات ەتىلمەيدى.
اسانعالي تولەپبەرگەنوۆ، وبلىستىق ت ج د باسقارما باسشىسىنىڭ ورىنباسارى:
- تاۋلى ايماققا ون ادام شىعاتىن جاعدايدا ت ج د- نىڭ احۋال ورتالىعىنا حابار بەرىپ، وزدەرى جانە قاي ايماققا شىعاتىنى تۋرالى مالىمەت بەرسە، ءبىز دەپارتامەنتتىڭ ءتيىستى قىزمەتىنە الدىن الا ەسكەرتىپ، باقىلاۋعا الاتىن بولامىز. بولىپ جاتقان جاعايلاردىڭ ءبارى داعدارىس ورتالىعىنا ەسكەرتىلمەگەن جاعدايلار.