وسكەمەن كوشەلەرى كەڭەيتىلىپ جاتىر
07:41, 04 - قىركۇيەك 2020
وسكەمەن. قازاقپارات - وسكەمەن قالاسىندا ءبىرقاتار كوشەلەر كەڭەيتىلۋدە، دەپ حابارلايدى قازاقپارات ءتىلشىسى.
قالا اكىمدىگىنىڭ مالىمەتىنە سۇيەنسەك، بيىل شىعىس قازاقستان وبلىسىنىڭ ورتالىعىنداعى بىرنەشە كوشەدە جول جيەگى كەڭەيتىلۋدە.
وسى رەتتە اۋقىمدى جۇمىستار شاكارىم داڭعىلىندا جۇرگىزىلۋدە. گوگول كوشەسىنەن بەلينسكي كوشەسىنە دەيىنگى ارالىقتا قوسىمشا ەكى جولاق قوسىلماق. سونىمەن قاتار پوگرانيچنايا كوشەسى دە كەڭەيتىلىپ جاتىر.
«بۇدان بولەك، توعاس كوشەسىندە جوندەۋ جۇمىستارى قارقىن العان. بۇگىن جوندەلگەن ۋچاسكەنى پونتون كوپىرىمەن قوسۋ اياقتالدى. بىرنەشە كۇننەن كەيىن جاڭارتىلعان جول اۆتوكولىك جۇرگىزۋشىلەرى ءۇشىن اشىق بولادى»، - دەپ حابارلادى اكىمدىكتەن.