بۇيرىق 2021 -جىلى قاڭتار ايىندا كۇشىنە ەنەدى. بۇيرىقتا جازىلعانداي، تۇراقتى تىركەۋى جوق قانداستار تۇراقتى تۇرۋعا رۇقساتتى الۋ جانە قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋ ءۇشىن پ د باستىعىنىڭ اتىنا جانە ءبىرۋاقىتتا ازاماتتىق ماسەلەلەرى بويىنشا شەشىم قابىلدايتىن كەلگەن مەملەكەتتىڭ لاۋازىمدى ادامىنا شەتەل ازاماتتىعىنان باس تارتقانى تۋرالى نوتاريالدى كۋالاندىرىلعان جازباشا ءوتىنىشحاتپەن (وتىنىشپەن) جۇگىنۋ كەرەك. بۇيرىقتىڭ تولىق ماتىنىمەن مىنا جەردەن تانىسۋعا بولادى.
ەسكە سالا كەتەيىك، مەملەكەت باسشىسى قاسىم- جومارت توقايەۆ «ورالمان» سوزىنەن باس تارتىپ، «قانداس» دەگەنىمىز ءجون بولاتىنىن ايتقان ەدى. «مەن بۇدان بۇرىن دا تاريحي وتانىنا كەلگەن قازاقتاردى «ورالمان» دەپ اتاۋدان باس تارتىپ، «قانداس» دەگەنىمىز ءجون بولادى دەگەن ەدىم. جەتى اتاسىن بىلەتىن حالىققا «قانداس» دەگەن ۇعىم جاراسادى»، - دەدى پرەزيدەنت. سونداي- اق، ءماجىلىس «قانداس» اتاۋىن ەنگىزەتىن زاڭ جوباسىن ماقۇلدادى.
اۆتور: زارينا قاھارمان