گولوۆكيننىڭ كەلەسى جەكپە-جەگى جانە «كانەلومەن» ايقاساتىن كۇنى بەلگىلى بولدى

نۇر-سۇلتان. قازاقپارات - IBF جانە IBO تۇجىرىمدامالارى بويىنشا ورتا سالماقتاعى الەم چەمپيونى، قازاقستاندىق بوكسشى گەننادي گولوۆكيننىڭ الداعى جەكپە-جەكتەرى وتەتىن كۇندەر بەلگىلى بولدى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى. GGG-دىڭ تەڭ پروموۋتەرى ەددي حيرن DAZN- مەن اڭگىمەلەسۋ كەزىندە بوكسشىنىڭ پولشا بوكسشىسى كاميل شەرەمەتامەن IBF تيتۋلىن مىندەتتى قورعاۋ ءۇشىن كەلىسىمشارتقا قول قويعانىن ايتتى.

بۇل كەزدەسۋ قاراشا ايىندا ءوتۋى ءتيىس. بۇدان كەيىن گولوۆكين كەلەسى جىلدىڭ مامىر ايىندا مەكسيكالىق ساۋل الۆارەسپەن ءۇشىنشى جەكپە-جەك وتكىزۋدى جوسپارلاپ وتىر.

بۇل جۇدىرىقتاسۋ «كانەلونىڭ» سۇيىكتى كۇندەرىنىڭ ءبىرى - سينكو دە مايو مەرەكەسىنە (5 -مامىردا اتاپ وتىلەدى) ورايلاستىرىلعان.

اۆتور: زارينا تۋعانبايەۆا