بۇل تۋرالى ىشكى ىستەر ءمينيسترى ەرلان تۇرعىمبايەۆ ءمالىم ەتتى، دەپ حابارلايدى قازاقپارات ءتىلشىسى.
«تۇرمەلەر مەن عيماراتتارعا بەينە باقىلاۋ ەنگىزۋدى باستايمىز. قازىر ءبىز ولاردىڭ سانىن جانە تەحنيكالىق جاعدايىن ەسەپتەۋگە كىرىستىك»، - دەدى مينيستر ۇكىمەت وتىرىسىندا. بۇدان بولەك ە. تۇرعىمبايەۆ سىبايلاس جەمقورلىق بويىنشا ىشكى ىستەر مينيسترلىگى قابىلداپ جاتقان شارالار تۋرالى ايتتى. اگەنتتىك جانە ازاماتتىق قوعام ينستيتۋتتارىمەن بىرلەسىپ، ءۇشجاقتى جوسپار جاسالدى. جالپى، سوڭعى 3 جىلدا سىبايلاس جەمقورلىق قىلمىستار سانى 33 پايىزعا قىسقاردى.
«مينيسترلىك مەملەكەت باسشىسىنىڭ قازاقستان حالقىنا جولداۋىندا بەرىلگەن تاپسىرمالارىن ورىنداۋ بويىنشا بارلىق قاجەتتى شارالاردى قابىلدايدى»، - دەدى مينيستر.