Environment International جۋرنالىندا جاريالانعان ماتەريالدى زەرتتەۋگە ەشكىم تۇرمايتىن پاتەردىڭ جۋىناتىن بولمەسىندە كوروناۆيرۋس قوزدىرعىشىنىڭ انىقتالۋى سەبەپ بولعان.
اقپاندا عالىمدار كوروناۆيرۋستىڭ قۇبىر ارقىلى تاراۋى مۇمكىن ەكەنىن ايتقان. زەرتتەۋ جۇمىسىن جۇرگىزگەننەن كەيىن بۇل تەوريا دالەلدەنگەن.
كوروناۆيرۋس قوزدىرعىشى انىقتالعان جۋىنۋ بولمەسى COVID-19 جۇقتىرعان ناۋقاستار تۇراتىن پاتەردەن جوعارى ۇيدە ورنالاسقان. زەرتتەۋشىلەر ۆيرۋس قۇبىردان كىشكەنتاي بولشەكتەر ارقىلى وتەتىنىنە كوز جەتكىزۋ ماقساتىندا تاجىريبە جۇرگىزگەن. ناتيجەسىندە اەروزول بولشەكتەرى 10 جانە 12 قاباتتان انىقتالعان.
بۇعان دەيىن 17 جىل بۇرىن گونكونگتە اتيپيالىق پنيەۆمونيانىڭ تاراۋىنا دا سۋ قۇبىرى سەبەپ بولعان. ول كەزدە اۋرۋدى ءۇيدىڭ 329 تۇرعىنى جۇقتىرىپ، 42 ادام قايتىس بولعان.