زەينەتاقىنى زاڭسىز الىپ كەلگەن ەكى زەينەتكەردىڭ ۇستىنەن قىلمىستىق ءىس قوزعالدى

مەملەكەتكە كەلتىرىلگەن شىعىن 16,7 ميلليون تەڭگەنى قۇرادى، دەپ حابارلايدى قازاقپارات Polisia.kz سايتىنا سىلتەمە جاساپ.

قاراعاندى پوليتسەيلەرى ەڭبەك كىتاپشاسىنا جالعان مالىمەت ەنگىزۋدىڭ ەكى فاكتىسىن انىقتادى.

«30 -تامىز كۇنى قاراعاندى قالالىق پوليتسيا باسقارماسى ورتالىق پوليتسيا بولىمىنە الاياقتىقتىڭ ەكى فاكتىسى بويىنشا ىستەر كەلىپ ءتۇستى. انىقتالعانداي، 71 جاستاعى ەر ادام 2000 -جىلى ەڭبەك ءوتىلى تۋرالى جالعان مالىمەتتەر ۇسىنعان. وسىلايشا، 20 جىلدا العان زەينەتاقى تولەمىنىڭ جالپى سوماسى 7,4 ميلليون تەڭگەنى قۇرادى.

سونداي- اق ەڭبەك ءوتىلىن ءوز پايداسىنا قاراي جازىپ العان 75 جاستاعى ايەل 20 جىل بويى جوعارى كولەمدەگى زەينەتاقى الىپ كەلگەن. سولايشا مەملەكەتكە 9,3 ميلليون تەڭگە شىعىن كەلتىردى. اتالعان فاكتىلەر بويىنشا ق ر قىلمىستىق كودەكسىنىڭ 190-بابىمەن (الاياقتىق) قىلمىستىق ىستەر قوزعالدى. تەرگەۋ ءجۇرىپ جاتىر»، - دەلىنگەن اقپاراتتا.