بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جىل سايىنعى ءداستۇرلى جولداۋىندا ءمالىم ەتتى، دەپ حابارلايدى قازاقپارات ءتىلشىسى.
«ەل ازاماتتارىنىڭ مۇددەسىن قورعاۋ جونىندەگى ماڭىزدى ميسسيانى بۇرىنعىداي ساياسي پارتيالار اتقارا بەرەدى. «Nur Otan» پارتياسى ءوزىنىڭ ءىس-قيمىلى ارقىلى قوعامىمىزداعى جەتەكشى ساياسي كۇش ەكەنىن دالەلدەپ وتىر. پارتيا الداعى رەفورمالاردى جۇزەگە اسىرۋعا بەلسەنە اتسالىسىپ، ءوزىنىڭ الەۋەتىن تولىقتاي پايدالاناتىن بولادى. سونىمەن بىرگە، مەن مەملەكەت باسشىسى رەتىندە شىن مانىندەگى كوپپارتيالىق جۇيەنى دامىتۋعا كۇش سالۋعا مىندەتتىمىن. ءبىز ءبىر ورىندا تۇرعان جوقپىز. ساياسي جۇيەمىزدى جاڭا جاعدايعا بەيىمدەپ، ونى بىرتىندەپ جەتىلدىرىپ كەلەمىز»، - دەدى پرەزيدەنت.
وسى ورايدا ق. توقايەۆ ساياسي رەفورمالار قوعامعا قاجەت ەكەنىن اتاپ ءوتتى. سوندىقتان ولار مىندەتتى تۇردە ءوز جالعاسىن تابادى.
«دەموكراتيانىڭ باستى جاۋى - بىلىمسىزدىك پەن پوپۋليزم. وسىنى ەستەن شىعارماعان ءجون»، - دەدى مەملەكەت باسشىسى.
اۆتور: رۋسلان عابباسوۆ