قازاق تىلىندەگى بەينەساباقتار قازاقستاندىق تەلەارنادان كورسەتىلەدى
«ەلىمىزدەگى كارانتين تالاپتارىنا بايلانىستى 1- قىركۇيەك، جاڭا وقۋ جىلىنان باستاپ قازاقستان رەسپۋبليكاسىندا ورتا ءبىلىم بەرۋ قاشىقتان وقىتۋ جۇيەسىندە جالعاسادى. ق ر ءبىلىم جانە عىلىم مينيسترلىگى مەن ق ر اقپارات جانە قوعامدىق دامۋ مينيسترلىگى بىرلەسە وتىرىپ، دۇيسەنبى-جۇما 09:00-18:00 ارالىعىندا 1-11- سىنىپتاردىڭ وقۋ پاندەرى بويىنشا بەينەساباقتاردى قازاق تىلىندە «Balapan» تەلەارناسى كورسەتەدى»، - دەلىنگەن حابارلامادا.
سونداي-اق وندا «قازاقستان» رەسپۋبليكالىق تەلەراديوكورپوراتسياسىنىڭ قۇرامىنداعى «Balapan» تەلەارناسى «otau TV» سپۋتنيكتىك وپەراتورى، «alma TV» كابەلدىك وپەراتورى، ID TV سيفرلىق تەلەديدار قىزمەتى ارقىلى قولجەتىمدى ەكەندىگى ايتىلعان. سونىمەن قاتار ارنا balapan.tv رەسمي سايتى مەن qazaqstan.tv موبيلدى قوسىمشاسى ارقىلى، «Balapan» - نىڭ YouTube-تەگى رەسمي كانالىنان دا ونلاين كورسەتىلەدى.
«Android» جانە «IOS» پلاتفورمالارىنا لايىقتالعان ءموبيلدى قوسىمشانى «App Store «، «Play Market» سەرۆيستەرى ارقىلى تەگىن جۇكتەۋ مۇمكىندىگى قاراستىرىلعان.