وقۋ بۇرىنعىداي بولمايدى. بولاشاقتا نەگە ارالاس ءبىلىم بەرۋگە كوشەمىز؟
سونداي-اق ول بولاشاقتا نەلىكتەن ءبىلىم بەرۋدىڭ ارالاس ءتۇرى قولدانىلاتىنىن ايتتى.
ەسكە سالايىق، Alash Media Group مەدياحولدينگى Montessori Qazaqstan Public Fund-پەن بىرىگىپ i-balaqai جوباسىن قولعا الدى. جوبانىڭ باس سەرىكتەسى - «قازاقتەلەكوم» ا ق. اقپاراتتىق سەرىكتەس - «ۆكونتاكتە» الەۋمەتتىك جەلىسى. i-balaqai talks - بايلانىس ورناتۋدىڭ جاڭا فورماتى.
جاھاندىق قايتا وقىتۋ رەۆوليۋتسياسى
ايگەرىم حاۆيزوۆانىڭ سوزىنشە، الداعى دەكادا كەزىندە قوعامدا بولۋى كەرەك وزگەرىس پاندەميا سالدارىنان ءبىر مەزەتتە بولعان.
«مەن ءۇشىن قاشىقتان وقۋ - اقپارات بەرۋدىڭ ءتاسىلى نەمەسە قانداي دا ءبىر كانالى. ونىڭ ەرەكشەلىگى دە جوق، قورقىنىشتى دا ەمەس. ءبىز كورگەن ماسەلەلەر قاشىقتان وقۋدىڭ ەمەس، ءبىلىم بەرۋ جۇيەسىندەگى ماسەلەلەردى اشىپ كورسەتتى. ءبىز قاشىقتان وقۋ ارقىلى سونىڭ ءبارىن كوردىك»، - دەيدى ول.
ودان بولەك، پاندەميا ەڭبەك نارىعىنا دا ءبىراز وزگەرىس كەلتىرگەن - كوپ ادام تابىسىنان، قىزمەتىنەن ايىرىلعان.
«تۇراقتى جۇمىسى بولعاندار، مىسالى كورپوراتيۆتىك سەكتورداعىلار ۇنەمى جالاقىسى جوعارى، تۇراقتى، تۇسىنىكتى مانساپتىق تراەكتورياسى بولادى دەپ ويلادى. مەن زەرتتەۋ جۇرگىزگەن بولاتىنمىن، ءتۇرلى جۇمىس بەرۋشىمەن، ساراپشىمەن سويلەستىم، مەنىڭ بايقاعانىم، جۇمىسىنان ايىرىلعاندار ءبارى ۇشقارى ەكەنىن ءتۇسىندى»، - دەيدى مامان.
وسىلايشا، ەڭ ماڭىزدى داعدىلاردىڭ ءبىرى - وقۋ جانە قايتالاپ وقۋ قاسيەتى بولىپ قالعان. بۇل قوزعالىس Global Reskilling Revolution دەپ اتالادى، ياعني جاھاندىق قايتا وقىتۋ رەۆوليۋتسياسى.
«قاڭتاردا ءبىز بۇكىلالەمدىك ەكونوميكالىق فورۋم جاساعان پاندەمياعا دەيىنگى ەسەبىن وقىعانىمىز ەسىمدە. ول جەردە قازىرگى جۇمىستىڭ ۇشتەن ءبىرى ماڭىزىن جوعالتاتىنى بولاتىنىن بولجاندى. ءبىز ونى جاقىن اراداعى ۋاقىتقا بولجاعانىمىز ەسىمدە، ءبىراق ول ءدال قازىرگى ۋاقىتتا بولدى»، - دەيدى ايگەرىم حافيزوۆا.
(بۇل ماتەريال سۇحباتتىڭ جازباشا نۇسقاسىنان ءۇزىندى رەتىندە دايىندالدى).
Tengrinews.kz