«بىرنەشە كۇن بۇرىن اقسۋ- جاباعىلى مەملەكەتتىك تابيعي قورىعىنىڭ تاۋلارىندا تەڭىز دەڭگەيىنەن 2500 مەتر بيىكتىكتە قار بارىسى فوتوتۇزاققا ءىلىندى. بۇل - وتە سيرەك قۇبىلىس. سوڭعى رەت قازاقستاننىڭ كونە قورىقتارىنىڭ بىرىندە تاۋ پاتشاسى ءۇش جىل بۇرىن بايقالعان»، - دەپ جازدى الەۋمەتتىك جەلى قولدانۋشىسى ساكەن دىلداحمەت.
تابيعات قورعاۋشىسى قورىقتاعى عىلىمي ماماندار مەن ينسپەكتورلاردىڭ جابايى تابيعاتتى ساقتاۋ ءۇشىن ۇلكەن جۇمىس جۇرگىزىپ جاتقانىن جازدى.
«قار بارىسى - مىسىقتۇقىمداستار اراسىنداعى ەڭ تۇيىعى، تاسادا جاسىرىن تىرشىلىك ەتەدى. سوندىقتان ىلبىستەر تاۋلى ايماقتى مەكەندەيتىن جاز مەزگىلىندە جاسالعان وسى كادرلار ايرىقشا قۇندى. ويتكەنى ولار سيرەك كەزدەسەتىن جىرتقىشتىڭ مەكەندەيتىن جەرى مەن پوپۋلياتسياسىن ودان ءارى زەرتتەۋ ءۇشىن كەرەك. بۇل جىرتقىشتىڭ اقسۋ- جاباعىلى قورىعىندا بولۋى - ەرەكشە قورعالاتىن تابيعي اۋماقتىڭ ۇيلەسىمدى جۇمىسىنىڭ دالەلى، ءبىرىنشى كەزەكتە - بۇل ەكوجۇيەنى ساقتاۋ، بارىستاردىڭ قورەكتىك بازاسىنا تىكەلەي اسەر ەتەتىن براكونەرلىكتى بولدىرماۋ. قورىقتار مەن ۇلتتىق پاركتەردەگى تابيعات وزگەرىسسىز قالۋى كەرەك! قورىققا فوتوتۇزاق ورناتقانى ءۇشىن بۇۇ دامۋ باعدارلاماسىنا العىس ايتامىن»، - دەيدى س. دىلداحمەت.
بۇعان دەيىن ماۋسىم ايىندا الماتى تاۋلارىندا دانا اتتى قار بارىسى ەكى كۇشىگىمەن بىرگە سەرۋەندەگەن ەدى.