«23-30-تامىزدا ارالىعىندا وڭىردە «تازا قازاقستان» جەدەل- الدىن الۋ ءىس- شاراسى وتكىزىلىپ جاتىر. ونىڭ ماقساتى - ەكولوگيا زاڭىن بۇزعانداردى انىقتاۋ جانە جولىن كەسۋ. ءىس- شارا اياسىندا قۇرمانعازى پوليتسيا ءبولىمى اۋداندىق ورمان شارۋاشىلىعى جانە جانۋارلار دۇنيەسى ينسپەكتسياسىمەن بىرلەسىپ رەيد وتكىزدى. قيعاش وزەنىنە جاسالعان رەيد كەزىندە «ياماحا» ماركالى موتورى بار «بۋداركا» قايىعى تەكسەرىلدى. ونى قۇرمانعازى اۋدانى پريمورسك اۋىلدىق وكرۋگىنىڭ تۇرعىنى جۇرگىزىپ كەلە جاتقان. پوليتسەيلەر قايىقتاعى التى جولاۋشىدان قىزىل كىتاپقا ەنگەن 8 تۇڭعيىقگۇلدى تاپتى. ولار اتىراۋدان قۇرمانعازى اۋدانىنا گۇلدەنگەن لوتوستى تاماشالاۋ ءۇشىن ارنايى كەلگەندەرىن ايتتى. ءتارتىپ بۇزۋشىلار جازالانادى»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.
ايتا كەتەرلىگى، تۇڭعيىقگۇل تەك اتىراۋ وبلىسىنىڭ قۇرمانعازى اۋدانىنداعى قيعاش جانە شورا وزەندەرىندە، 5 مىڭ گەكتار القاپتا وسەدى.