جىرشى- تەرمەشىلەر سىبايلاس جەمقورلىقپەن كۇرەس تاقىرىبىندا سايىسقا تۇسەدى
بۇل جونىندە ۆەدومستۆونىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
ونلاين جوبانىڭ باستى ماقساتى - قازاقتىڭ تامىرى تەرەڭ تاريحىمەن بىرگە جاساسىپ كەلە جاتقان جىراۋلىق ءداستۇردى، تەرمە مەن تولعاۋلاردى، بەس جۇزگە تارتا ەپوستىق تۋىندىنى حالىقتىڭ رۋحاني- اعارتۋ يگىلىنە پايدالانىپ، جىراۋلىق پوەزيا ارقىلى بابالارىمىزدىڭ قانىنداعى تەكتىلىگى مەن تازالىعىن جاستاردىڭ بويىنا ءسىڭىرۋ.
ونلاين بايقاۋعا قاتىساتىن ۇلى دالا ەلىنىڭ ءار وڭىرىنەن نيەت بىلدىرگەن كاسىبي جانە اۋەسقوي جىرشى- تەرمەشىلەر پاراساتتىلىق پەن ادالدىقتى، ادىلدىك پەن شىنشىلدىقتى ارقاۋ ەتەتىن، سىبايلاس جەمقورلىققا قارسى كوزقاراسقا شاقىراتىن بۇرىنعى جانە بۇگىنگى اقىن- جىراۋلاردىڭ شىعارمالارىن تالعامى بيىك تىڭدارماننىڭ نازارىنا ۇسىناتىن بولادى.
ۇمىتكەرلەردىڭ اراسىندا حالىقارالىق جانە رەسپۋبليكالىق دودالاردا توپ جارىپ جۇرگەن ەلۆيرا ەسنازار، ەلبول قۋانبەك، اياۋلىم قاماجان سياقتى تانىمال ونەرپازدار دا بار. سايىسقا تۇسەتىن شىعارمالار تەرمە ءماتىنىڭ تاقىرىپتىق ماعىناسى، ماقام- ساز قولدانۋى، ورىنداۋشىلىق شەبەرلىگى، ونەرپازدىڭ كيىم ۇلگىسى، ۆيدەونىڭ ساپاسى سياقتى ەرەكشەلىكتەر بويىنشا باعالانادى. بايقاۋ جەڭىمپازدارىن ونلاين داۋىس بەرۋ ارقىلى كورەرمەن تاڭدايدى.
بايقاۋ 26 - تامىز كۇنى باستالدى. ونلاين داۋىس بەرۋ رەسپۋبليكالىق اقپاراتتىق- اعارتۋ شتابى جەتەكشىسىنىڭ Youtube-ارناسىندا (Yrza Tursynzada Live) جۇرگىزىلەدى. باس جۇلدە يەگەرىنە 1 ميلليون تەڭگە تۇراتىن «اتامۇرا» ەتنوجوباسى تابىستالادى. سونداي- اق، ۇزدىك ونەر كورسەتكەن ونەرپازدارعا ارنايى سىيلىقتار قاراستىرىلعان.