«بۇل اقپاراتتى سول مەملەكەتتىك ورگاننىڭ وزىنەن انىقتاۋ قاجەت. ءبىز رەسمي حابارلاما العان جوقپىز. سوندىقتان، مەنىڭشە بۇل ماسەلەگە ءتيىستى مەملەكەتتىك ورگاننىڭ تۇسىنىكتەمە بەرگەنى دۇرىس بولار»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
اسحات ايماعامبەتوۆتىڭ ناقتىلاۋىنشا، بارلىق ورىنباسارى بۇگىن جۇمىس ورنىندا بولدى.
«رۇستەم ايداربەك ۇلىنا (بيعاري) قاتىستى مۇنداي اقپارات ەستىگەن ەمەسپىن. بۇگىن ول جۇمىس ىستەپ جاتىر. كىنالى ەمەستىگىنىڭ انىق-قانىعىنا جەتۋ قاجەتتىگىن اتاپ وتكىم كەلەدى. دولبار جاساۋ، ورىنباسارلاردىڭ ءبىرى بولۋى مۇمكىن كۇدىكتەنۋ دۇرىس ەمەس»، - دەدى ول.
سونىمەن قاتار ول فاكتى ناقتىلانعان جاعدايدا عانا ءسوز قوزعاۋعا بولاتىندىعىن ايتتى.
«ناقتىلانعان اقپارات بولىپ جاتسا، ارينە، ءبىز سىزدەرمەن بۇل جايىندا سويلەسە الامىز. الايدا، ءدال قازىرگى جاعدايدا ارىپتەستەرىمنىڭ بارلىعى دا جۇمىسىندا. ارىپتەسىم جايلى، ونىڭ كۇدىككە ىلىنگەنى نەمەسە ۇستالعانى تۋرالى رەسمي مالىمەت العان جوقپىز»، - دەدى مينيستر.
اۆتور: مارلان جيەمباي